மின் துறை தனியார்மயமாக ஒப்பந்ததாரர்கள் எதிர்ப்பு
பெங்களூரு: கர்நாடகாவில் மின்சார துறையை தனியார்மயமாக்கும் முயற்சியில் மாநில அரசு ஈடுபட்டு வருகிறது. இதற்கு எதிர்ப்பு தெரிவித்து, உரிமம் பெற்ற மின்சார ஒப்பந்ததாரர்கள், நேற்று பெங்களூரு சுதந்திர பூங்காவில் போராட்டம் நடத்தினர். அவர்கள் கூறியதாவது: மின்சார துறையை தனியார்மயமாக்கினால் ஏராளமான ஒப்பந்ததாரர்களின் வேலை ப றிபோகும். மின்சார கட்டணம் பல மடங்கு அதிகரிக்கும். விவசாயிகளுக்கு இலவச மின்சாரம், ஒவ்வொரு வீட்டுக்கும் 200 யூனிட் இலவச மின்சாரம் போன்ற திட்டங்களுக்கு முடிவுரை எழுதப்படும். மின் துறையை தனியார்மயமாக்கும் முடிவை மாநில அரசு திரும்ப பெற வேண்டும். இவ்வாறு அவர்கள் கூறினர்.