போனை சந்தா கட்டி வாங்குவது லாபமா?

கார்களுக்கு சப்ஸ்கிரிப்ஷன் மாடல், அதாவது சந்தா கட்டி உபயோகிப்பது போல, இப்போது மொபைல் போன்களுக்கும் வந்து விட்டது. சில நிறுவனங்கள் இத்தகைய வாய்ப்பை வழங்குகின்றன. ஐபோன் போன்ற பிரீமியம் போன்களை விலைக்கு வாங்காமல், ஒரு குறிப்பிட்ட காலத்திற்கு, உதாரணமாக 12, 18 அல்லது 24 மாதங்களுக்கு, மாதாந்திர கட்டணம் செலுத்தி பயன்படுத்தும் முறை. மாதாந்திர கட்டணம்: நீங்கள் போனின் விலை மற்றும் அதனுடன் வழங்கப்படும் காப்பீடு, கூடுதல் உத்தரவாதம் போன்ற கூடுதல் சேவைகளுக்கான ஒரு சிறிய தொகையை, ஒவ்வொரு மாதமும் செலுத்துவீர்கள். போனை மாற்றிக் கொள்வது: சந்தா காலம் முடிந்ததும், பழைய போனை திருப்பிக் கொடுத்துவிட்டு, எந்த கூடுதல் பெரிய தொகையும் செலுத்தாமல், புதிய மாடல் போனுக்கு எளிதாக மாறிக் கொள்ளலாம். சொந்தமாக்குதல்: சந்தா காலம் முடிந்த பின், போனை திருப்பிக் கொடுப்பதற்கு பதிலாக, மீதமுள்ள தொகையை செலுத்தி, அதை சொந்தமாக வாங்கிக்கொள்ளும் வாய்ப்பும் இருக்கும். யாருக்கு என்ன லாபம்? இந்த சந்தா மாதிரியால் இரண்டு தரப்பினருக்கும் லாபம் உண்டு: வாடிக்கையாளர்களுக்கு * போனை வாங்க மொத்தமாக செலவு செய்ய தேவையில்லை; சிறிய மாதாந்திர தொகை போதுமானது * புதிய மாடல் போன்கள் சந்தைக்கு வரும்போதெல்லாம், பழையதை எளிதாக திருப்பிக் கொடுத்துவிட்டு, புதியதிற்கு மாறலாம் * இதனால், எப்போதும் லேட்டஸ்ட் தொழில்நுட்பத்தை பயன்படுத்த முடியும் * பழைய போனை விற்கவோ அல்லது அதற்கு நல்ல விலை கிடைக்கவோ போராட வேண்டியதில்லை. நிறுவனம் அதற்கான ஏற்பாடுகளை செய்துவிடும் * காப்பீடு, கூடுதல் உத்தரவாதம் போன்றவையும் உள்ளடங்கி இருக்கும். நிறுவனங்களுக்கு * வாடிக்கையாளர்களிடமிருந்து ஒவ்வொரு மாதமும் நிலையான வருமானம் வந்து கொண்டே இருக்கும் * ஒரு முறை சந்தா எடுத்த வாடிக்கையாளர், அடுத்த புதிய போனுக்கும் அதே நிறுவனத்தின் சந்தா முறைக்கு மாற வாய்ப்பு * திருப்பி வரும் பழைய போன்களை சீரமைத்து மீண்டும் விற்பனை செய்வதால், நிறுவனம் லாபம் ஈட்ட முடியும் * புதிய போன்களின் விற்பனையில் நிலையான வளர்ச்சியை பராமரிக்க இந்த சந்தா மாதிரி உதவுகிறது. சாதக, பாதகங்கள் 1. பணம் கொடுத்து வாங்குவது சாதகம்:  வட்டி அல்லது சந்தா கட்டணங்களை கட்ட வேண்டியதில்லை  போன் வாங்கிய மறுகணமே அது நமதாகிறது  அதை எப்போது, யாருக்கு எவ்வளவுக்கு விற்க வேண்டும் என்ற உரிமை  எந்த ஒரு கேரியர் அல்லது சேவை நிறுவனத்துடனும் பிணைக்கப்பட மாட்டோம். பாதகம்:  உடனடியாக ஒரு பெரிய தொகையை செலவு செய்ய வேண்டியிருக்கும்  புதிய போனுக்கு மாறும்போது, பழைய போனை விற்பதில் நிலவும் சிக்கல்  காப்பீடு போன்றவற்றுக்கு தனியாக பணம் செலுத்தி பெற வேண்டும் 2. சந்தா மாடல் சாதகம்:  மாதாந்திர கட்டணம் மட்டுமே செலுத்தினால் போதும்  சந்தா காலம் முடிந்ததும் புதிய மாடலுக்கு எளிதாக மாறிக் கொள்ளலாம்  காப்பீடு, ரிப்பேர் போன்ற சேவைகள் பெரும்பாலும் சந்தா கட்டணத்திலேயே உள்ளடங்கி விடும். பாதகம்:  போனின் விலையை விட அதிகமாக செலுத்த வேண்டியதிருக்கும்  சந்தா காலம் முடியும் வரை போனின் முழு உரிமையும் நிறுவனத்திடமே இருக்கும்  போனை திருப்பித் தரும்போது, பெரிய சேதம் எதுவும் இருக்கக்கூடாது என்ற கட்டுப்பாடுகள் இருக்கும்  சேதம் இருந்தால் கூடுதல் கட்டணம் செலுத்த நேரிடலாம். எது உங்களுக்கு வசதி என்பதை நீங்கள் தான் முடிவு செய்து கொள்ள வேண்டும்.