டிஜிட்டல் வங்கி சேவையை ஒழுங்குபடுத்த வழிகாட்டுதல்களை வெளியிட்டது ஆர்.பி.ஐ.,

ரிசர்வ் வங்கி டிஜிட்டல் வங்கி சேவைகளை ஒழுங்குபடுத்துவது தொடர்பாக, புதிதாக ஏழு முதன்மை வழிகாட்டுதல்களை வெளியிட்டுள்ளது. வணிக வங்கிகள், சிறு நிதி வங்கிகள் உள்ளிட்ட ஏழு வகையான வங்கிகளுக்கு இது பொருந்தும். இந்த புதிய விதிமுறைகள் வரும் ஜனவரி மாதம் முதல் நடைமுறைக்கு வருகின்றன. வங்கி செயல்பாடுகளை எளிதாக்கவும், விதிமுறைகளை தெளிவுபடுத்தவும் இந்த நடவடிக்கை எடுக்கப்பட்டுள்ளது. இணையதள மற்றும் மொபைல் வங்கி சேவைகளை வழங்கும்போது, வங்கிகள் கடைப்பிடிக்க வேண்டிய பாதுகாப்பு முறைகள், தொழில்நுட்ப கொள்கைகள் மற்றும் வாடிக்கையாளர் பாதுகாப்பு குறித்து இவை விளக்குகின்றன. அனைத்து வங்கிகளும் டிஜிட்டல் சேவைகளுக்கென தனியாகவும், விரிவாகவும் கொள்கைகளை வகுக்க வேண்டும் என்று அறிவுறுத்தப்பட்டுள்ளது.