டெக்னிக்கல் அனாலிசிஸ்: சிறியதொரு டெக்னிக்கல் ஏற்றம் வந்து போக வாய்ப்புள்ளது

நேற்று 197 புள்ளிகள் இறக்கத்துடன் தொடங்கிய நிப்டி 260 புள்ளிகள் வரை வீழ்ச்சிகண்டது. பின்னர் சிறிது சிறிதாக இறக்கத்தில் இருந்து மீண்டு நாளின் இறுதியில் 141 புள்ளிகள் குறைந்து முடிந்தது. பரந்த சந்தை குறியீடுகள் 18ம் சரிவுடன் நிறைவடைந்தன. இவற்றில், 'நிப்டி ஸ்மால்கேப்100' குறியீடு குறைந்தபட்சமாக 0.37 சதவீதமும், 'நிப்டி மிட்கேப்50' குறியீடு அதிகபட்சமாக 0.70 சதவீதமும் சரிந்து நிறைவடைந்தன. 21 துறை சார்ந்த குறியீடுகளில் 4 குறியீடுகள் ஏற்றத்துடனும்; 17 குறியீடுகள் இறக்கத்துடனும் நிறைவடைந்தன. இவற்றில், 'நிப்டி ஆயில்&கேஸ்' குறியீடு அதிகபட்சமாக 0.33 சதவீத ஏற்றத்துடனும், 'நிப்டி ஆட்டோ' குறியீடு அதிகபட்சமாக 1.79 சதவீத இறக்கத்துடனும் நிறைவடைந்தன. என்.எஸ்.இ.,யில் வர்த்தகம் நடந்த 3,630 நிறுவனங்களின் பங்குகளில் 1,445 ஏற்றத்துடனும்; 2,072 இறக்கத்துடனும்; 113 மாற்றம் ஏதும் இல்லாமலும் நிறைவடைந்திருந்தன. நிப்டி 24,160 - 24,200 என்ற எல்லைக்குள் இருக்கின்ற முக்கிய சராசரிகளுக்கு (இ.எம்.ஏ.,) கீழே நிப்டி நிறைவடைந்துள்ளது. ஆர்.எஸ்.ஐ., (38.34), ஆர்ஓசி(-1.54) மற்றும் எம்.ஏ.சி.டி.,(-52.43) போன்றவை இறக்கத்திற்கு சாதகமாகவே இருக்கின்றன.