மே.வங்கத்தில் 35க்கும் மேற்பட்ட தொகுதிகளில் வெல்வோம்: நட்டா நம்பிக்கை

புதுடில்லி: மேற்கு வங்கத்தில் உள்ள 42 லோக்சபா தொகுதிகளில் 35க்கும் மேற்பட்ட தொகுதிகளில் பா.ஜ., வெற்றி பெறும் என அக்கட்சி தேசிய தலைவர் நட்டா கூறினார்.இது குறித்து நட்டா கூறியதாவது: மம்தா பானர்ஜியின் ஆட்சியில், ஷாஜகான் ஷேக் சந்தேஷ்காலியில் உள்ள பெண்களுக்கு எப்படி அச்சுறுத்தலாக இருந்தார் என்பதை நாங்கள் பார்த்தோம். சந்தேஷ்காலியில் பெண்களுக்கு சமூகவிரோதிகள் தொடர்ந்து அச்சுறுத்தலாக உள்ளனர். பெண்களின் மானம் மற்றும் கண்ணியம் காக்க சந்தேஷ்காலிக்கு சென்ற விசாரணை அமைப்பு அதிகாரிகள் தாக்கப்பட்டனர்.

தகுந்த பதிலடி

மேற்கு வங்கத்தில் உள்ள 42 லோக்சபா தொகுதிகளில் 35க்கும் மேற்பட்ட தொகுதிகளில் பா.ஜ., வெற்றி பெறும். மேற்குவங்கத்தில் வெளிநாட்டு துப்பாக்கிகள் மற்றும் தோட்டாக்களை சி.பி.ஐ., கைப்பற்றியது. மம்தா பானர்ஜி அரசு எப்படி அராஜகத்தை பரப்புகிறது என்பதை இதிலிருந்தே புரிந்து கொள்ளலாம். மக்கள் மம்தா அரசுக்கு தகுந்த பதிலடி கொடுப்பார்கள். இவ்வாறு அவர் கூறினார்.