பிரதமர் அலுவலக குறைதீர் இணையதளத்தில் 12 ஆயிரம் புகார்கள் நிலுவை

புதுடில்லி: பிரதமர் அலுவலக இணையதளத்தில் 12 ஆயிரம் புகார் மனுக்கள் நிலுவையில் உள்ளதாக பாராளுமன்றத்தில் தகவல் தெரிவிக்கப்பட்டுள்ளது.மத்திய அரசு நிர்வாகத்தில் பல்வேறு துறைகளில் பொதுமக்கள் அளிக்கும் குறைகள், புகார்கள் www.pmindia.gov.in என்ற பிரதமர் அலுவலக இணையதளத்தில் பதிவேற்றம் செய்யப்பட்டு வருகின்றன.இது தொடர்பாக மத்திய இணை அமைச்சர் ஜிநே்திராசிங் லோக்சபாவில் கூறியது, பிரதமர் அலுவலக இணையதளத்தில் கடந்த ஜனவரி முதல் ஜூன் வரையில் 80 ஆயிரத்து 513 புகார்கள் பதிவாகியுள்ளன.இதில் 58 ஆயிரத்து 612 புகார்கள் சம்பந்தப்பட்ட துறைகளுக்கு உரிய நடவடிக்கைக்காக அனுப்பி வைக்கப்பட்டுள்ளது. 34 ஆயிரத்து 659 புகார்கள் கடந்தாண்டு பெறப்பட்டவை. மீதம் 12,758 புகார்கள் பிரதமர் அலுவலகத்தில் உரிய நடவடிக்கைக்காக நிலுவையில் உள்ளன. இவ்வாறு மத்திய இணை அமைச்சர் தெரிவித்தார்.