புதுடில்லி: நடப்பாண்டில் (2024) 9 மாதங்களில் இயற்கை பேரழிவுக்கு 2,300 பேர் பலியானதாகவும், 9,400 கால்நடைகள் இறந்துள்ளதாகவும் ஒரு புள்ளிவிவர அறிக்கை தெரிவிக்கிறது. அறிவியல் மற்றும் சுற்றுச்சூழல் மைய 2024 சீதோஷ்ண அறிக்கையின்படி ; இந்தியாவில் இயற்கை பேரழிவு இது வரை இல்லாத அளவிற்கு அதிகரித்துள்ளது. புயல், மழை, வெள்ளம், நிலச்சரிவு, ஆகியற்றின் மூலம் அதிக உயிர்ப்பலி ஏற்பட்டுள்ளது. கேரளா, அசாம், உத்தரகண்ட், ஹிமாச்சல், பிரதேசம், ஆந்திரா, தெலுங்கானா, கர்நாடகா, குஜராத், தமிழகம் பகுதிகளில் இயற்கை சீற்றம் அதிகம் இருந்தது. 2.3 லட்சம் வீடுகள் இடிந்து தரை மட்டமாகின. 255 நாட்களில் 8.5 மாதங்களில் இந்த நிகழ்வு நடந்திருக்கிறது. இது போன்ற இயற்கை பேரிடரில் 2,300 பேர் இறந்துள்ளனர். 30 லட்சத்திற்கும் மேற்பட்ட ஹெ க்டேர் விவசாய பயிர்கள் தேசமுற்றது. கடந்த 3 ஆண்டுகளில் ஒப்பிடும்போது இந்த சேதம் அதிகம் என்று இந்த அறிக்கை சொல்கிறது.பருவ கால மாற்றம்
எரிபொருட்களின் பயன்பாட்டினால் வெளிப்படும் பசுமை இல்லா வாயுக்கள் உலகை வெப்பமாக்குவதால், பல பகுதிகளில் காலநிலை மாறுகிறது. பல இடங்கள் முன்பு இருந்ததை விட மிகவும் வெப்பமாக உள்ளதாக ஒரு ஆய்வு தெரிவிக்கிறது. பல பகுதிகள் வழக்கத்தை விட அதிக மழையை பெற்றுள்ளது. இந்த காலநிலை உச்சநிலைகள் பெரும்பாலும் மக்கள் மற்றும் சுற்றுச்சூழலில் கடுமையான தாக்கங்களால் குறிக்கப்படுகின்றன, மேலும் அவை தீவிர வானிலை நிகழ்வுகள் என்று அழைக்கப்படுகின்றன. காலநிலை மாற்றத்திற்கான ஐக்கிய நாடுகளின் அரசுகளுக்கிடையேயான குழு (ஐபிசிசி) தீவிர வானிலை நிகழ்வுகளை ஒரு குறிப்பிட்ட இடத்தில் மற்றும் ஆண்டின் நேரத்தில் அரிதாகவே வரையறுக்கிறது.இந்தியாவும் தீவிர வானிலை நிகழ்வுகளுக்கு ஒரு உதாரணமாக உள்ளது. இவை கடுமையான மழை, வெப்ப அலைகள் தாக்குதலால் இருக்கும். மின்னல் மற்றும் இடியுடன் கூடிய மழை, கனமழை மற்றும் மிக அதிக மழை, நிலச்சரிவு மற்றும் வெள்ளம், குளிர் அலைகள், வெப்ப அலைகள், சூறாவளி, பனிப்பொழிவு, தூசி மற்றும் மணல் புயல்கள், சூறாவளி, ஆலங்கட்டி மழை மற்றும் புயல்களை தீவிர வானிலை நிகழ்வுகளாக இந்திய வானிலை ஆய்வு மையம் வகைப்படுத்துகிறது.
உண்மையான மரண எண்ணிக்கை இதைவிட அதிகம் இருக்கலாம். வொவொரு வருடமும் பேரிடர் ஏற்படுகிறது. ஆனால் சம்பந்தப்பட்ட மாநில அரசுகள் எந்தவித ஒரு தற்காப்பு நடவடிக்கைகளையும் எடுத்து மக்களை காப்பாற்ற முயல்வதில்லை. அவர்கள் செய்வது ஒன்றேயொன்றுதான். ஆம் இறந்தபிறகு நிவாரணம் கொடுத்து இறந்தவர்களின் குடும்பத்தினரின் வாயை அடைத்துவிடுவார்கள், இறந்தவர்களின் வாயில் அரிசியை தூவி விடுவார்கள்.