"ஓட்டளிக்காமல் இருந்து விடாதீர்கள்": புலம்பெயர்ந்த தொழிலாளர்களுக்கு மம்தா வேண்டுகோள்

கோல்கட்டா: 'ரம்ஜான் கொண்டாட சொந்த ஊருக்கு வந்த புலம்பெயர்ந்த தொழிலாளர்கள் ஓட்டளிக்காமல் மாநிலத்தை விட்டு வெளியேறக் கூடாது'' என மேற்குவங்க மாநில முதல்வர் மம்தா பானர்ஜி வேண்டுகோள் விடுத்துள்ளார்.மேற்குவங்க மாநிலத்தில் உள்ள முர்ஷிதாபாத்தில் நடந்த தேர்தல் பேரணியில் மம்தா பானர்ஜி பேசியதாவது: காங்கிரஸ் மற்றும் இடதுசாரி கட்சிகள் பா.ஜ.,வின் ரகசிய பங்காளிகள். மாநில போலீசாரை முற்றிலுமாக நிராகரித்து நீங்கள் எப்படி தேர்தலை நடத்த முடியும்?. மக்கள் சுதந்திரமாக ஓட்டளிக்கக்கூடாது என்பதற்காக இது ஒரு சூழ்ச்சியா?.

ஓட்டளியுங்கள்!

மத்திய அரசு திட்டத்தின் பலன்களைப் பெறுவதற்கு நிறைய கட்டுப்பாடுகள் உள்ளன. இரு சக்கர வாகனம் வைத்திருப்பவர் கூட அதன் பலனைப் பெற முடியாது. ரம்ஜான் கொண்டாட சொந்த ஊருக்கு வந்த புலம்பெயர்ந்த தொழிலாளர்கள் ஓட்டளிக்காமல் மாநிலத்தை விட்டு வெளியேறக்கூடாது. நீங்கள் ஓட்டளிக்கவில்லை என்றால் அவர்கள் (பா.ஜ.,) உங்கள் ஆதார் அட்டையையும், குடியுரிமையையும் பறிப்பார்கள். நான் விட மாட்டேன். இவ்வாறு அவர் பேசினார்.