நுகர்வு குறைந்துள்ளது!

ஒரு நாட்டின் வளர்ச்சி, அந்நாட்டு மக்களின் நுகர்வு வளர்ச்சியை வைத்து மதிப்பிடப்படும். பா.ஜ., ஆட்சியில் கடந்த 10 ஆண்டுகளாக நாட்டு மக்களின் நுகர்வு குறைந்து வருகிறது. இது பொருளாதாரத்துக்கு நல்லதல்ல. விலைவாசி உயர்வு, சம்பளம் உயராதது மற்றும் ஏற்றத்தாழ்வு ஆகியவையே இதற்கு காரணம்.ஜெய்ராம் ரமேஷ், பொதுச்செயலர், காங்.,

வாக்கு தவறிவிட்டனர்!

ஆயுஷ்மான் பாரத் மருத்துவ காப்பீடு திட்டம் டில்லியில் அமல்படுத்தப்படும் என முன்னாள் டில்லி துணை முதல்வர் மணீஷ் சிசோடியா சட்டசபையில் கூறினார். அந்த வாக்குறுதியை நிறைவேற்றவில்லை. இதனால் லட்சக்கணக்கானோர் பாதிக்கப்படுகின்றனர். இதை எதிர்த்து நீதிமன்றத்தை நாடியுள்ளோம். வீரேந்திர சச்தேவா, டில்லி மாநில தலைவர், பா.ஜ.,

பொய்கள் அம்பலமாகின!

ஹரியானா தேர்தல் நடவடிக்கை குறித்து காங்கிரஸ் கூறிய பொய்களை தேர்தல் ஆணையம் அம்பலப்படுத்தியுள்ளது. இதன் வாயிலாக தேர்தல் நடவடிக்கைகள் மீது சந்தேகத்தை உருவாக்க நினைத்த காங்கிரசின் முயற்சிகள் முறியடிக்கப்பட்டுஉள்ளன. நயாப் சிங் சைனி, ஹரியானா முதல்வர், பா.ஜ.,