உள்ளூர் செய்திகள்

/ செய்திகள் / இந்தியா / நான் சொல்வது எல்லாம் உண்மை ஆகிறது; தம்பட்டம் அடித்துக் கொள்கிறார் ராகுல்

நான் சொல்வது எல்லாம் உண்மை ஆகிறது; தம்பட்டம் அடித்துக் கொள்கிறார் ராகுல்

புதுடில்லி: தலைமை தேர்தல் கமிஷனர் ஞானேஷ்குமாருக்கு எதிராக டில்லியில் ராம்லீலா மைதானத்தில் இண்டி கூட்டணி சார்பில் போராட்டம் நடந்தது. அதில், காங்கிரஸ் மூத்த தலைவர் சோனியா, கார்கே, ராகுல், மேற்கு வங்க முன்னாள் முதல்வர் மம்தா பானர்ஜி, சமாஜ்வாதி கட்சியின் அகிலேஷ் யாதவ், ராஷ்ட்ரீய ஜனதா தளத்தின் தேஜஸ்வி யாதவ் உள்ளிட்டோர் பங்கேற்றனர்.

ஓட்டுத் திருட்டு

இதில் ராகுல் பேசியதாவது: 2024 தேர்தலுக்கு பிறகு 15 சதவீத வாக்காளர்கள் பட்டியலில் இருந்து நீக்கப்பட்டனர். 2024 தேர்தல் சட்டவிரோதமான தேர்தல். திருடப்பட்ட தேர்தல். இதை நான் மட்டும் சொல்லவில்லை. தேர்தல் கமிஷனும் இதையே சொல்கிறது. பல ஆண்டுகளாக நாட்டில் ஓட்டுகள் திருடப்படுகின்றன. மபி, ஹரியானா, சத்தீஸ்கர், மஹாராஷ்டிரா, கர்நாடகா மற்றும் 2024 லோக்சபா தேர்தலிலும் ஓட்டுகள் திருடப்பட்டன. மின்னணு ஓட்டுப்பதிவு இயந்திரம் மற்றும் பட்டியலில் இருந்து பெயரை வாக்காளர்களை நீக்குதல் மற்றும் சேர்த்தல் ஆகியவை வாயிலாக ஓட்டுகள் திருடப்பட்டன.நான் சொல்வதை கேளுங்கள். நான் சொல்வது எல்லாம் உண்மை ஆகிறது. ஞானேஷ் குமார் தலைமை தேர்தல் கமிஷனர் பதவியில் இருந்து நீக்கப்படுவார். அவர் சிறை செல்வார் என அனைத்து குடிமகன்கள் மற்றும் இளைஞர்களிடம் சொல்கிறேன். ஞானேஷ்குமார் இல்லாமல் நரேந்திர மோடி பிரதமர் ஆகியிருக்க முடியாது. அமித்ஷா உள்துறை அமைச்சராக இருக்க முடியாது.

எதிரி இல்லை

விவசாயிகளின் உரிமை கிடைக்கவில்லை. இளைஞர்களுக்கு வேலையில்லை. தொழிலாளர்களுக்கான உரிமை வழங்கப்படவில்லை. ஒட்டுமொத்த சுகாதார அமைப்பும் இரண்டு அல்லது மூன்று பேரிடம் உள்ளது. இத்தகைய இந்தியாவை நாம் விரும்பவில்லை. அத்தகைய இந்தியாவை நாம் ஏற்க மாட்டோம்.நாங்கள் நரேந்திர மோடி, அமித்ஷா, ஞானேஷ்குமாரை வெறுக்கவில்லை. நாங்கள் அன்பிற்கான கடையை திறந்தவர்கள். வெறுப்புக்கானவர்கள் அல்ல. வன்முறைக்கு எதிரானவர்கள். எனக்கு எதிரிகள் என யாரும் கிடையாது. பிரதமர் மோடியோ, அமித்ஷாவோ, ஞானேஷ்குமாரோ இல்லை. ஆனால், ஒவ்வொரு குடிமகனின் குரலும் எனக்கு முக்கியமானது. மதத்தை விட முக்கியமானது. அதுவே எனது மதம். நாங்கள் வன்முறையை பயன்படுத்த மாட்டோம். யாரையும் துன்புறுத்தவோ, வெறுப்பை பரப்பவோ மாட்டோம். நாங்கள் அன்புடன் பணியாற்றுவோம். அரசியலமைப்பை அழிக்க விட மாட்டோம்.

இந்தியாவுக்கான போராட்டம்

ஞானேஷ்குமாரை அடுத்து பிரதமர் மோடி, அமித்ஷாவுக்கு எதிராக போராடுவோம். யாரையும் தப்பிக்க விட மாட்டோம்.எதிரிகள் யாரும் இல்லை என நமது மதம் சொல்கிறது. நாம் யாரையும் வெறுக்க மாட்டோம். அனைவரிடமும் இருந்து கற்றுக் கொள்வோம். ஒவ்வொரு தனி நபரின் குரலையும் பாதுகாப்போம். ஹிந்து, முஸ்லிம், சீக்கியர், ஆதிவாசி, பெண்கள், மாற்றுத்திறனாளிகள் என யாராக இருந்தாலும் அனைவரையும் பாதுகாப்போம். இந்த நாடு சரியான பாதையில் நடக்க உள்ளது. இன்று இரவு ஞானேஷ் குமாரால் தூங்க முடியாது. அவர் பயந்து காணப்படுகிறார். அவர் பெரிய குற்றத்தை செய்துள்ளார். நாட்டின் குரலையும், ஆன்மாவையும் அமைதியாக்க முயன்றார். இந்த போராட்டம் தனி நபரை எதிர்த்தோ அல்லது தனி கட்சியை எதிர்த்தோ நடக்கவில்லை. இது ஒன்று பட்ட போராட்டம். இந்தியாவின் போராட்டம். இந்தியாவின் குரல். இவ்வாறு அவர் பேசினார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 56 )

kumarkv
நவ 08, 2026 16:58

தான் பிச்சை எடுப்பேன் என்று சொன்னான், அதுகூட நடக்கும்


Minimole P C
நவ 05, 2026 08:03

RaGa is an Idot to the core. He firmly believes, that by repeatedly telling non senses, people will get confused and vote for him. SC is the reason for allowing every petition against the SIR, when most of the actions were carried out under its supervision and guidance.


manian
நவ 02, 2026 13:19

Modern day Harschandra


Ravanan Ravanan
நவ 02, 2026 06:11

இவன் ரத்தம் ஏமாற்றி பதவிக்கு வர தெரியும் இவர் பரம்பரை நேரூ காந்தி யால் திருடி பதவிக்கு வந்தான் இந்திரா காமராஜர் அவர்களால் வந்தாள் அதை போல வர நினைக்கும் கலப்பின கிருமி


Rajasekar Jayaraman
நவ 02, 2026 05:02

தேசதுரோகி


Kasimani Baskaran
நவ 02, 2026 04:04

பின்ன... பொய் சொல்கிறவன் தான் பொய் சொல்வதாக என்றாவது ஒத்துக்கொண்டு இருக்கிறானா..


R.Subramanian
நவ 02, 2026 03:14

ராகுல் பேச்சில் அன்பு அகிம்சை எல்லாம் இருக்கும் ஆனால செயலில் நேரெதிர் பொய்கள் வெறுப்பு பிரிவினைவாதம் எல்லாம் உள்ளது


சூரியபுத்திரன்
நவ 02, 2026 02:16

உண்மை பேசும் காந்தி என்று பள்ளி பாடத்தில் சொல்லித்தந்தனர், இந்த போலி காந்தி பொய் சொல்வதில் கோயாபல்ஸ்சை மிஞ்சியவர் என்பது உலகறிந்தது, இவர் சொல்வதெல்லாம் உண்மையாகிறதாம் மீண்டும் பொய்தான்.


இந்து
நவ 02, 2026 00:20

தேர்தல் நடந்தபோது ஞானேஷ்வர் பதவியில் இல்லை. பெயர் நீக்கம் மற்ற எல்லா விவரங்களையும் அந்த அந்த மாநில அரசு ஊழியர்கள் செய்தனர். இந்த நிலையில் நமது பப்பு என்னமாய் புளுகுகிறார். இந்த புளுகுமூட்டைக்கு சப்போர்ட் தோற்ற மற்ற கட்சி தலைவர்கள். வெட்கக்கேடு. இதை நம்ப வேண்டுமாம். பாரதத்தின் தலையெழுத்து இம்மாதிரி......... தலைவர்களை சுமக்கிறோம்.


பேசும் தமிழன்
நவ 01, 2026 23:55

ராகுல் அவர்கள் வாயை திறந்தாலே...... போய் மட்டுமே வெளியே வரும் போல் தெரிகிறது.


அதிகம் விமர்ச்சிக்கப்பட்டவை