காஸ் டேங்கர் கவிழ்ந்து போக்குவரத்து பாதிப்பு

ஹாசன் : பெங்களூரு - மங்களூரு தேசிய நெடுஞ்சாலையில் காஸ் டேங்கர் லாரி கவிழ்ந்து விபத்துக்குள்ளானதால், போக்குவரத்து பாதிக்கப்பட்டது.ஹாசன், சகலேஸ்புராவில், பெங்களூரு - மங்களூரு தேசிய நெடுஞ்சாலையில், சிராடிகாட் அருகில் நேற்று காலை காஸ் டேங்கர் லாரி சென்று கொண்டிருந்தது. திடீரென டிரைவரின் கட்டுப்பாட்டை இழந்த டேங்கர் லாரி, சாலையில் கவிழ்ந்தது.முன்னெச்சரிக்கை நடவடிக்கையாக, இந்த சாலையில் வாகனப் போக்குவரத்துக்கு, நேற்று நள்ளிரவு 12:00 மணி வரை தடை விதிக்கப்பட்டது. மாற்றுப் பாதையை பயன்படுத்தும்படி, கலெக்டர் சத்யபாமா உத்தரவிட்டார்.டேங்கர் லாரி ஓட்டுனர் லேசான காயங்களுடன் உயிர் தப்பினார். டேங்கரில் இருந்து காஸ் கசிந்ததால், பதற்றமான சூழ்நிலை நிலவுகிறது. முன்னெச்சரிக்கையாக தீயணைப்பு வாகனம் நிறுத்தப்பட்டிருந்தது.