இந்திய மருந்துகள் 19 நாடுகளில் அங்கீகாரம் : ஜெ.பி.,நட்டா பெருமிதம்

புதுடில்லி : இந்திய மருந்துகள் உலகின் 19 நாடுகளில் அங்கீகரிக்கப்பட்டுள்ளது. என மத்திய சுகாதாரத்துறை அமைச்சர் ஜெ.பி.,நட்டா கூறினார்.தலைநகர் புதுடில்லியில் அமைச்சகத்தின் சார்பில் ஆய்வு கூட்டம் நடைபெற்றது. இதில் துறை செயலாளர்கள் மற்றும் மூத்த அதிகாரிகள் கலந்து கொண்டனர். கூட்டத்தில் அமைச்சர் நட்டா கூறியதாவது: இந்திய மருந்தகத் தரவுத் தொகுப்பு நாட்டில் கிடைக்கும் மருந்துகளின் தரம், பாதுகாப்பு மற்றும் செயல்திறனை உறுதி செய்வதில் முக்கியப் பங்கு வகிக்கிறது. இது இந்தியா முழுவதும் மருந்துகளின் உற்பத்தி, சோதனை மற்றும் விநியோகத்தில் ஒருமைப்பாடு மற்றும் நிலைத்தன்மையை செயல்படுத்துகிறது.இவற்றின் பணி உள்நாட்டிலும் சர்வதேச அளவிலும் நோயாளிகளின் பாதுகாப்பு, வெளிப்படைத்தன்மை மற்றும் இந்திய மருந்துகள் மீதான நம்பிக்கைக்கு நேரடியாகப் பங்களிக்கிறது .இந்திய மருந்தியல் கையேடு இப்போது 19 நாடுகளில் அங்கீகரிக்கப்பட்டுள்ளது .இந்த அங்கீகாரம் 'உலகின் மருந்தகம்' என்ற இந்தியாவின் நிலையை வலுப்படுத்துகிறது. மேலும் உலகளவில் இந்திய மருந்துகளின் நம்பகத்தன்மையை அடிக்கோடிட்டுக் காட்டுகிறது என்றார்.