எம்.பி.ஏ.,க்கு 16ல் கலந்தாய்வு
கோவை: பாரதியார் பல்கலையில் 2026 - 27ம் கல்வியாண்டுக்கான எம்.பி.ஏ., காலியிடங்களை நிரப்ப, வரும் 16ல் நேரடி கலந்தாய்வு நடக்கிறது.சுயநிதிப் பிரிவில் காலியாக உள்ள இடங்கள், டான்செட் - 2026 மதிப்பெண் அடிப்படையில், பல்கலையின் 'பாரதியார் ஸ்கூல் ஆப் மேனேஜ்மென்ட் அண்டு என்டர்பிரனர்ஷிப் டெவலப்மென்ட்' மூலம் நிரப்பப்பட உள்ளன.இதற்கான கலந்தாய்வு 16 காலை 10:00 மணிக்கு, பி.எஸ்.எம்.இ.டி., வளாகத்தில் நடக்கிறது. டான்செட்- 2026 விதிகளின்படி, தகுதி பெற்றவர்கள் தேவையான ஆவணங்களுடன், மதியம் 12:00க்குள் கலந்தாய்வில் பங்கேற்கலாம்.கலந்தாய்வில் தேர்வு செய்யப்படும் மாணவர்கள், அன்றைய தினமே நிர்ணயிக்கப்பட்ட முழு கட்டணத்தையும் ஆன்லைனில் செலுத்த வேண்டும். விவரங்களுக்கு 0422 - 2428275.