உள்ளூர் செய்திகள்

100 சதவீதம் தேர்ச்சிக்கு பள்ளிகளில் இலக்கு நிர்ணயம்: அரசு கொறடா

திருச்சி: ப்ளஸ் 2, எஸ்.எஸ்.எல்.ஸி., உள்ளிட்ட பொதுத்தேர்வுகளில் மாணவ, மாணவியர்களை 100 சதவீதம் தேர்ச்சி பெற வைக்க, பள்ளிகளில் இலக்கு நிர்ணயம் செய்து கொள்ள வேண்டும் என, தமிழக அரசு கொறடா மனோகரன் தெரிவித்தார். திருச்சி பாலக்கரை, சையது முர்தஷா மேல்நிலைப்பள்ளியில், தொகுதி மேம்பாட்டு நிதியின் கீழ், 14 லட்ச ரூபாய் மதிப்பில், புதிதாக கட்டப்பட்ட வகுப்பறைகளை திறந்து வைத்த, அரசு கொறடா மனோகரன் பேசுகையில்,  "அதிகமான மாணவ, மாணவர்களை தேர்ச்சிபெற வைக்க, பள்ளியில் தலைமை ஆசிரியர்கள் முதல், ஆசிரியர்கள் வரை கடுமையாக உழைக்க வேண்டும். மேலும், ப்ளஸ் 2, எஸ்.எஸ்.எல்.ஸி., பொதுத்தேர்வுகளில், 100 சதவீதம் மாணவர் களை தேர்ச்சி பெற வைக்க இலக்கு நிர்ணயம் செய்துகொள்ள வேண்டும். இந்த பள்ளி கடந்தாண்டு, 98 சதவீதம் தேர்ச்சி பெற்றது. வரும் கல்வியாண்டில், 100 சதவீதம் தேர்ச்சி பெற வைக்க வேண்டும். தமிழக முதல்வர் ஜெயலலிதா கல்வி துறைக்கு, 15 ஆயிரம் கோடி ரூபாய் நிதி ஒதுக்கியுள்ளார். லேப்டாப் உள்ளிட்ட பல்வேறு வசதிகள் விலையில்லாமல் வழங்கப்பட்டு வருகிறது. இதை மாணவ, மாணவியர்கள் பயன்படுத்தி கொண்டு, நன்கு படித்து தமிழகத்துக்கு பெருமை சேர்க்க வேண்டும்" என்றார்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்