உள்ளூர் செய்திகள்

/ செய்திகள் / ப்ரீமியம் / உயர்ந்தது அரிசி, பருப்பு விலை: உருள்கிறது எல் நினோ தலை

உயர்ந்தது அரிசி, பருப்பு விலை: உருள்கிறது எல் நினோ தலை

கோவை: பருவமழை சரியாக பெய்யாததால், தானியங்களின் விளைச்சல் குறைந்துள்ளது. இதனால் பருப்பு வகைகள் மற்றும் அரிசி விலை உயர்ந்துள்ளது.தீபாவளி நெருங்குவதால், விலை மேலும் அதிகரிக்க வாய்ப்பு உள்ளது, என மாவட்ட மளிகை வியாபாரிகள் சங்க தலைவர் பிரபாகர் கூறினார். மசாலா பொருட்கள், மொத்த விற்பனை விலையில் பெரிய அளவில் மாற்றம் இல்லை. பருப்பு வகைகள் கிலோவுக்கு 10 முதல் 20 ரூபாய் அதிகரித்துள்ளது.”இன்னும் 4 மாதம், அதாவது பொங்கல் வரை விலை குறைய வாய்ப்பு இல்லை. எதிர்பார்த்த மழை பெய்யாமல் போனது காரணம் என விவசாயிகள் கூறுகின்றனர். மழை பொய்த்ததற்கு எல் நினோ பாதிப்பு காரணம் என்று வானிலை ஆராய்ச்சியாளர்கள் கூறுகின்றனர். விலை உயர்வு இங்கு மட்டுமல்ல, இந்தியா முழுதும் இதுதான் நிலை” என்றார் பிரபாகர்.அரிசி வியாபாரிகள் சங்க செயலாளர் சரவணனும், ''தமிழ்நாடு மட்டுமல்ல, ஆந்திரா, கர்நாடகாவிலும் அரிசி விலை உயர்ந்துள்ளது. வழக்கமாக இந்த சீசனில் 2 அல்லது 3 ரூபாய் உயரும். இப்போது சில ரகங்கள் தவிர எல்லா அரிசியும் கிலோவுக்கு 6 ரூபாய் அதிகரித்துள்ளது'' என்றார்.இவ்வளவுக்கு மத்தியிலும், எண்ணெய் விலை குறைந்திருக்கிறது என சந்தோஷ செய்தி சொல்கிறார் அந்த சங்கத்தின் செயலாளர் இருதயராஜா.''பாமாயில், சூரிய காந்தி எண்ணெய் கடந்த மாதம் மொத்த விற்பனையில், 152 மற்றும் 178 ரூபாய்க்கு விற்றது. இப்போது லிட்டருக்கு 10 ரூபாய் குறைந்துள்ளது. மற்ற எண்ணெய்கள் விலை மாறவில்லை'' என்றார் அவர்.

பை நிறைய மளிகை வாங்கி சென்ற ராம்நகர் சீதாலட்சுமி, “ஒவ்வொரு வருஷமும் பண்டிகை சீசனில் விலை உயரத்தான் செய்கிறது. வியாபாரிகளும் அரசும் ஏதாவது காரணம் சொல்லி மக்கள் காதில் பூ சுற்றுவார்கள். இந்த ஆண்டு எல் நினோ தலையில் பழியை போடுகிறார்கள். அது யார் என்பதே தெரியாது” என்று கமென்ட் அடித்தார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 9 )

ஜனகராஜ்
அக் 10, 2026 19:48

ரேஷனில் தரமான அரிசி. பருப்பு உள்ளிட்ட பொருட்களை இலவசமாகவே கொடுக்கலாமே கூடுதலாக கட்டிங் சேர்ந்து கொடுத்தால் நாட்டு குடி மக்கள் இன்பமாக இருப்பார்கள்.


c.mohanraj raj
அக் 10, 2026 12:32

ஆளும் அரசர்களுக்கு வெட்கமில்லை வேறு என்ன சொல்வது ஒவ்வொரு அரிசி கூடவுனிலும் அஞ்சு லட்சம் மூட்டை ஸ்டார்க் பிறகு எப்படி விலை ஏறாமல் இருக்கும்


விருமாண்டி
அக் 10, 2026 12:27

எண்ணெய் விலை குறைந்துள்ளது என்று சந்தோசமாம். விலையேற்றத்தால் மக்களால் வாங்க முடியாமல் போனதால் நுகர்வு குறைந்துவிட்டது. விலை சற்று சரிவடைந்துள்ளது.


விருமாண்டி
அக் 10, 2026 12:25

வருடாவருடம் அரசும் ஏதாவது காரணம் சொல்லி மக்கள் காதில் பூ சுற்றுவார்கள். இந்த ஆண்டு எல் நினோ தலையில் பழியை போடுகிறார்கள் -


Sathyanarayanan Sathyasekaren
அக் 10, 2026 10:53

அப்பாவி போன்ற குண்டு சட்டியில் குதிரை ஓட்டும் அறிவாளிகளுக்கு இந்த விலை உயர்வு இந்தியாவில் மட்டுமல்ல உலகம் எங்கும் உள்ளது என்று தெரிய வாய்ப்பில்லை முக்கியமாக அரிசி உற்பத்தியாளர்களும் உபயோகிப்பருமான பிலிப்பைன்ஸ் தாய்லாந்து இந்தோனேசியா போன்ற நாடுகளிலும் விலை அதிகமாக உயர்ந்துள்ளது. கடலில் உருவாகும் வெப்ப அலையைத்தான் எள்ளுனோ என்ற ஸ்பானிஷ் பேரில் குறிப்பிடுகிறார்கள் இது தென் அமெரிக்காவின் கடற்பகுதியிலிருந்து உற்பத்தியாகி தற்போது இந்தியா வரை வந்துள்ளது


அப்பாவி
அக் 10, 2026 14:27

நாமதான் 7.8 சதவீதம் வளர்ச்சி அடைஞ்சசிட்டோமே கோபாலு. இதில் எல் நீனோ, பிலிப்பைன்லாம் எங்கே வந்துச்சு?


بی ڈیوڈ رافیل
அக் 10, 2026 10:19

விலையை குறைத்தது எனக்கு தெரிந்த வரை சரித்திரமே இல்லை. விலையை அதிகரிக்க இவனுங்களுக்கு இது ஒரு சாக்கு போக்கு


அப்பாவி
அக் 10, 2026 09:31

டாலருக்கு நிகரான ரூவா மதிப்பு மாதிரி அரிசி விளையும் 100 ஆயிட்டா சாதனைன்னு விழா எடுத்து மெடல் குத்த ரெடியா இருக்கோம்


Govi
அக் 10, 2026 08:00

எல் நினோ மட்டும் காரணம் அல்ல பல உண்டு


அதிகம் விமர்ச்சிக்கப்பட்டவை