டிரம்ப் அரசில் விவேக் ராமசாமி மகிழ்ச்சியில் கேரள மக்கள்

அமெரிக்க அதிபர் டொனால்டு டிரம்ப் அமைச்சரவையில், பாலக்காட்டை பூர்வீகமாகக் கொண்ட விவேக் ராமசாமி இடம்பெற்றுள்ளார். இவர், கேரள மாநிலம், பாலக்காடு மாவட்டம், வடக்கஞ்சேரி கிராமத்தை சேர்ந்தவர். டாக்டர் கணபதி ராமசாமி - அவரது மனைவி கீதா தம்பதியின் மகன். இவர்கள், 1970ல் வடக்கஞ்சேரியில் இருந்து அமெரிக்காவுக்கு குடிபெயர்ந்தனர். ஓஹியோ மாகாணத்தில் உள்ள சின்சினாட்டியில் வசிக்கின்றனர். இவர்களுக்கு, 1985ல் விவேக் ராமசாமி பிறந்தார்.பள்ளி நாட்களில் தேசிய அளவில் டென்னிஸ் நட்சத்திரமாக இருந்த அவர், 2007ல் ஹார்வார்டு பல்கலைக்கழகத்தில் பட்டம் பெற்றார். 2013ல், யேல் பல்கலைக்கழகத்தில் சட்டப்படிப்பு முடித்து பட்டம் பெற்ற பின், 2014ல், 'ரோவான்ட் சயின்சஸ்' என்ற மருந்து நிறுவனத்தை நிறுவினார்.விவேக் ராமசாமியின் மனைவி உத்தர பிரதேசத்தை சேர்ந்த அபூர்வா. இவர்களுக்கு கார்த்திக், அர்ஜுன் என இரு மகன்கள் உள்ளனர்.விவேக் ராமசாமியின் சகோதரர் சங்கர் ராமசாமி, அமெரிக்காவின் கலிபோர்னியாவில் தொழில்அதிபராக உள்ளார்.அவரது குடும்ப உறுப்பினர் ராமசாமி கூறியதாவது:அமெரிக்க அதிபராவேன் என்று குழந்தை பருவத்திலேயே அவர் கூறினார். அப்போது விளையாட்டாக சொன்னது தற்போது, நிறைவேறி வருகிறது.தற்போது டிரம்ப் அரசில் அவர் இடம் பிடித்தது பெரும் மகிழ்ச்சி அளிக்கிறது. அவர், கேரளாவுக்கு வந்தால் உறவினர்கள் வீடுகள் மற்றும் கோவில்களுக்கு செல்வது வழக்கம். கடைசியாக, ஆறு ஆண்டுகளுக்கு முன் வந்திருந்தார். இரண்டு வாரம் தங்கிச் சென்றார். ஒரு ஆண்டுக்கு முன் அவரது பெற்றோர் வடக்கஞ்சேரிக்கு வந்திருந்தனர்.இவ்வாறு கூறினார்.இதற்கிடையே, டிரம்ப் அரசில் இடம்பெற்றுள்ள விவேக் ராமசாமியால், அவர் பிறந்த வடக்கஞ்சேரி கிராம மக்கள் மகிழ்ச்சி அடைந்துள்ளனர் - நமது நிருபர் - -.