உள்ளூர் செய்திகள்

/ செய்திகள் / ப்ரீமியம் /  விஜயை ராகுல் பிரதமராக்குவார் : த.வெ.க., - எம்.எல்.ஏ., நம்பிக்கை

 விஜயை ராகுல் பிரதமராக்குவார் : த.வெ.க., - எம்.எல்.ஏ., நம்பிக்கை

சென்னை: ''விஜயை, முதல்வர் நாற்காலியில் அமர வைத்த ராகுலே, விஜயை பிரதமராகவும் அமர வைப்பார்,'' என த.வெ.க., -எம்.எல்.ஏ., கனிமொழி தெரிவித்தார். 'பிரதமர் வேட்பாளராக காங்., மூத்த தலைவர் ராகுலை, த.வெ.க., ஏற்காவிட்டால், தமிழக அமைச்சரவையில் இருந்து இரு காங்., அமைச்சர்களும் பதவி விலக தயங்க மாட்டோம்,' என, காங்., அமைச்சர் ராஜேஷ்குமார் எச்சரித்தார். இதனால், த.வெ.க., - காங்., கூட்டணியில் மோதல் ஏற்பட்டதையடுத்து, முதல்வர் விஜயை, தமிழக காங்., தலைவர் மாணிக்கம் தாகூர், காங்., - எம்.பி., பிரவீண் சக்கரவர்த்தி ஆகியோர் சந்தித்து பேசினர். எனினும், இரு கட்சியினரிடையே மோதல் நீடிக்கிறது. சென்னை தலைமைச் செயலகத்தில், நேற்று த.வெ.க., - எம்.எல்.ஏ., கனிமொழி அளித்த பேட்டி: வரும் 2029-ல் பிரதமர் யார் என்பதை, டில்லியில் இருந்து முடிவு செய்யப்போவது இல்லை. தமிழகத்தில் இருந்து தான் முடிவு செய்யப்போகின்றனர். விஜய் முதல்வராவார் என, கடந்த ஆண்டு நான் கணித்ததை போல, 2026-ல் விஜய் முதல்வரானார். இப்போது சொல்கிறேன். வரும் 2029-ல் தமிழகத்தில் இருந்து தான் பிரதமர் வரப்போகிறார். அந்த ஆண்டு இந்திய அரசியலில் பெரும் மாற்றம் நிகழும். விஜயை, முதல்வர் நாற்காலியில் ராகுல் தான் அமர வைத்தார். அதேபோல் ராகுலே, விஜயை பிரதமராகவும் அமர வைப்பார். இவ்வாறு, அவர் தெரிவித்தார். இது குறித்து, காங்., சட்டசபை குழு தலைவர் தாரகை கத்பட் கூறுகையில், ''அனைவராலும் ஏற்றுக் கொள்ளப்பட்ட தலைவர் ராகுல். இதுவரை, ராகுல் தான் பிரதமர் என முதல்வர் விஜய் கூறியுள்ளார். ''த.வெ.க., - எம்.எல்.ஏ.,க்கள் புதிதாக வந்தவர்கள்; ரசிகர் மனப்பான்மையில் உள்ளதால், தங்கள் தலைவரை, பிரதமர் என சொல்கின்றர். ஆனால், 2029ல் ராகுல் தான் பிரதமர்,'' என்றார். 

ஜோதிடர்கள் கூறுவதை பெரிதாக்க வேண்டாம்

தமிழகத்தில், இரு கழகங்களின் மீதான மக்களின் வெறுப்பால், த.வெ.க.,விற்கு 108 இடங்கள் கிடைத்து, முதல்வராக விஜய் பதவியேற்றார். பெண்களுக்கு எதிரான குற்றங்கள் தடுப்பு, ஊழலற்ற ஆட்சி, இளைஞர்களுக்கு வேலைவாய்ப்பு போன்ற கொள்கைகளுக்காக, த.வெ.க., அரசுக்கு காங்., ஆதரவு அளித்தது. முதல்வர் விஜயால் தோற்கடிக்கப்பட்ட கட்சிகள் மற்றும் குற்றம் புரிந்தவர்கள், ஜோதிடர்கள் கூறுவதை வைத்து அரசியல் செய்ய நினைக்கின்றனர். எனவே, ஜோதிடர்கள் கூறுவதை பெரிதாக்க வேண்டாம்.'பிரதமர் வேட்பாளர் ராகுல் தான்' என தீர்மானித்து விட்டோம். 'தவறு செய்தவர்கள் மீது நடவடிக்கை எடுப்போம்' என பேசிக்கொண்டு இருக்காமல், அவர்கள் மீது உடனடியாக நடவடிக்கை எடுக்க வேண்டும். சட்டசபை நிகழ்ச்சியின் நேரலையால், யார் கேள்வி கேட்கின்றனர்; யார் தகுந்த பதில்களை சொல்கின்றனர் என்பதை மக்கள் பார்த்துக்கொண்டு இருக்கின்றனர். - மாணிக்கம் தாகூர், காங்., தமிழக தலைவர்


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 15 )

கண்ணன், மேலூர்
செப் 03, 2026 20:49

பிரதமர் பதவி தவெக தற்குறிகளுக்கும் கிடைக்காது. ராகுலுக்கும் கிடைக்காது.


சிவா
செப் 03, 2026 19:01

இன்னுமும் கூட நாற்காலியில் ஒரு கால் திமுக விடம் உள்ளது.


MAHADEVAN NATARAJAN
செப் 03, 2026 17:01

முதல்வராகி ஒரு வருடம் கூட முடிக்கவில்லை. பிரதமராக எப்படி நாட்டை ஆள முடியும். தமிழ் தவிர வேறு எந்த மொழியும் தெரியாது. நடிப்பு தவிர வேறு எதுவும் தெரியாது


Prem Kumar
செப் 03, 2026 16:53

அரசியல் விபத்தால் ஒரு கட்சிக்கு தலைவராகவும் பின் தனித்து ஆட்சி அமைக்க மக்கள் ஆதரவு தராததால் மாற்று கூட்டணியை சேர்ந்த கட்சிகளின் ஒற்றைப்பட எண்ணிக்கை சட்டமன்ற உறுப்பினர்களின் ஆதரவால் (வெறும் தமிழகத்தில் மட்டுமே அதுவும் சிறுபான்மை ) அரசிற்கு தலைமையேற்று முதல்வராகி சாமார்த்தியமாக எப்படியோ நூறு நாட்களையும் தாண்டி விட்டார் விஜய். ஆனால் அவரது கட்சியினரோ அவர் ஏதோ அரசியலில் பல ஆண்டுகள் இருந்தவர் போலவும் அதனால் திறமை பெற்றவர் போலவும் இதன் காரணமாக நாட்டில் பாதிக்கும் மேற்பட்ட மாநிலங்களில் தனது கட்சியையும் ஆட்சியையும் அமைத்து வெற்றி பெற்ற அரசியல்வாதியை போல் தோற்றத்தை செயற்கையாக உருவாக்கி அவரை தொடர்ந்து பாராட்டி வருகிறார்கள். அதனால் தான் அவரை வருங்கால பிரதமர் என்று ஒவ்வொரு அமைச்சரும் அமைச்சராக ஆக முடியாத சட்டமன்ற உறுப்பினர்களும் சட்டமன்றத்திலேயே கூட கூற ஆரம்பித்து விட்டார்கள். ஒரு MLA விஜய்க்கு மிக அதிக ஆசையை வெளிப்படுத்த அமெரிக்க அதிபர் டிரம்ப்க்கு பிறகு விஜய்க்கு தான் மதிப்பையும் மரியாதையும் உலகில் அதாவது மலேசியாவில் தரப்பட்டது என அவரை உலக தலைவராக மாற்றி நம்மையெல்லாம் அதிர்ச்சிக்கு ஆளாக்கி விட்டார். இவர்களது எல்லை எதுவரை என்பதை யாராலும் புரிந்து கொள்ள முடியாது போலிருக்கிறதே.


ஜெய்
செப் 03, 2026 14:35

ஜார்ஜ் சோரஸ் யாலேயே ராகுல் கானை பிரதமராக்க முடியவில்லை . மார்ட்டின் நினைத்தால் ஜோசப்பை பிரதமராக்க முடியும் ஆதவ் அதற்க்கு ஒப்பதல் தேவை.


jss
செப் 03, 2026 14:29

இப்ப என்ன தேர்தலா வந்துவிட்டது பிரமதை தேர்ந்தெடுப்பதற்க்கு. இந்தியா டுடே சர்வேயிலும் இன்றி தேர்தல் வந்தால் 49% மோடிக்கும் 26% ராகூலுக்கும் இருக்கும் என்று கணிக்கப்பட்டிருக்கிறது. அதனால் பிரதமர் பதவிக்கு இளவரசர் வரவே முடியாது என்று தெளிவாக விட்டது. இளவரசர் பாகிஸ்தானுக்கு ( உள்துறை மந்திரி கூறியபடி)அடிக்கடி செல்வதால் அங்கு பிரதமராக முடியமா என்று சிந்திக்கவும்


krishna
செப் 03, 2026 12:57

SOPPA INDHA KOOTHADI THARKURI KUMBSL BUILD UP THAANGA MUDIYALLA.


chinnamanibalan
செப் 03, 2026 12:14

ராகுல் காந்தி பெயரை தவெக பயன்படுத்தினால், தவெக வுக்கு கிடைக்கும் ஓட்டும் கிடைக்காமல் போக கூடும்.


Nandakumar Naidu
செப் 03, 2026 10:41

இந்தம்மா பிரதமர் பதவி என்னமோ கடையில் கத்திரிக்காய் வாங்குவது போல பேசிக்கொண்டிருக்கிறார். நேற்று அரசியலில் வந்தவர்கள் எல்லாம் பிரதமர் ஆக முடியாது. யோசித்து பேச வேண்டும்.


வேணு
செப் 03, 2026 09:52

விஜய் முதலில் நல்ல முதல்வராக செயல்பட விடுங்கள் முகஸ்துதி பண்ணுவதை நிறுத்துங்கள் தமிழ்நாட்டிற்கு அவரால் நல்ல பயன் கிடைக்கும் என்றால் அதை வழிநடத்த அவருக்கு துணை புரியுங்கள் வேண்டுமென்றே தேவையில்லாத விஷயமாக பிரதமர் மந்திரி பிரதமர் ஆகிய வார்த்தைகள் எம்எல்ஏ ஆன பிறகு என்ன வேணாலும் பேசலாம்என்ற எனத்துடன் பதிவு செய்வது மிகவும் தவறானது கட்சி அகில இந்திய அளவில் அவர் ஒரு பெரிய தலைவராக பல வருடங்கள் ஆகும் இதை நீங்கள் புரிந்து கொள்ள வேண்டும் உங்களுக்கு வஅவர் பெரிய தலைவராக தெரியலாம் ஆனால் அவசியமாக கற்பனை கோட்டைகளை வளர்க்காதீர்கள் அவர் தமிழ்நாட்டில் இருந்தால் தமிழர்களுக்கு ஒரு நன்மை அவர் அதற்காக பல விஷயங்களை கற்றுக் கொள்ள வேண்டும் இந்திய நாட்டின் ஒருமைப்பாடு ,சனாதன தர்மம் , சாதியின்மை என பல விஷயங்கள் இன்று அரசியலில் பெரும் பாதிப்பு ஏற்படுத்திக் கொண்டு இருக்கிறது ஒரு பெரிய தலைவராக மாறுவதற்கு ஆண்டுகள் பல பிடிக்கும் ஐந்து வருடத்தில் அவரை முதல்வராக ஆக்கி மபிரதமர் ஆக்கி விடலாம் என்று பகல் கனவு காணாதீர்கள் முதலில் தமிழகம் வளரட்டும் அவருடைய தலைமையில் ......வணக்கம்


அதிகம் விமர்ச்சிக்கப்பட்டவை