உள்ளூர் செய்திகள்

/ செய்திகள் / ப்ரீமியம் / மற்ற கட்சிகளை ஒழிப்பது தான் சீமான் நோக்கம்.. அந்துமணி பதில்கள்

மற்ற கட்சிகளை ஒழிப்பது தான் சீமான் நோக்கம்.. அந்துமணி பதில்கள்

ஜெ.ஜெனிபர், நாகப்பட்டினம்:

'த.வெ.க., என்பது அரசியல் கட்சியே அல்ல. அது, 'கார்ப்பரேட்' மாபியா, அதில், 'இன்வெஸ்டிங், ஸ்லீப்பங், சீக்ரெட் பார்ட்னர்ஸ்' என, பல கும்பல்கள் உள்ளன' என, ஸ்டாலின் ஆவேசமாக கூறுகிறாரே?தனக்கு தெரிந்த ஆங்கில வார்த்தைகள் பலதையும் அள்ளி விடுகிறார் ஸ்டாலின். ஒரு வேளை, இவர் கட்சியினருக்கு இப்படி, பிரித்து பிரித்து பொறுப்பு கொடுத்து பழக்கம் ஏற்பட்டிருக்குமோ... இதோடு கூட, அ.தி.மு.க., பழனிசாமி கமிஷன், கலெக் ஷன், கரப் ஷன் என, தி.மு.க., ஆட்சிக்கு எதிராக சொன்னதும் நினைவுக்கு வருகிறது!

மா.மீனாட்சி சுந்தரம், மன்னார்குடி:

'ரத்த தானம் செய்ய முன் வர வேண்டும்' என, தமிழக அரசு வேண்டுகோள் விடுத்துள்ளதே?நல்ல உடல் ஆரோக்கியத்துடன் இருக்கும் அனைவரும், ஆண்டுக்கு மூன்று அல்லது நான்கு முறை ரத்த தானம் செய்யலாம். நீங்கள் ஒவ்வொரு முறை ரத்தம் கொடுக்கும்போதும், மூன்று பேரின் உயிர் காக்கப்படுகிறது.

அ.ஜானகிராம், கடையநல்லுார்:

தாராபுரத்தில் பேசிய ஸ்டாலின் த.வெ.க., பெண் வேட்பாளரை உருவ கேலி செய்து பேசியுள்ளாரே? இது சரியா அந்துமணி... அவர் தானே சில நாட்களுக்கு முன், 'அறத்துடன் பேச வேண்டும், சுரத்துடன் பேச வேண்டும்' என, கூறினார்?உதயநிதி ஸ்டாலினுக்கு செல்ல வேண்டிய, 'ஸ்கிரிப்ட்' தவறாக ஸ்டாலினுக்கு போய் விட்டது போலும். அதனால் இந்த 'பல்டி!'வ.தேன்மொழி, மானாமதுரை:'திராவிட கட்சிகளான, தி.மு.க., - அ.தி.மு.க.,வை ஒழிக்க, 15 ஆண்டுகள் போராடினேன். தற்போது த.வெ.க.,வை ஒழிக்க மேலும் போராடும் நிலை வந்துள்ளது' என்கிறாரே, நாம் தமிழர் கட்சி சீமான்?ஆக மொத்தம், நல்லாட்சி கொடுக்கும் நோக்கில், சீமான் அரசியலுக்கு வரவில்லை; மற்ற கட்சிகளை ஒழிப்பது தான் அவர் நோக்கம்!

டி.ஜெயசிங், கோவை:

மற்றொரு மொழியை கற்க தடை போடும் திராவிட கட்சிகள், தமிழர்களை குண்டு சட்டிக்குள் குதிரை ஓட்ட செய்து விட்டனரே?உங்களுக்கு புரிகிறது ஜெயசிங்... அரசியல்வாதிகளுக்கு புரிந்தும், புரியாத மாதிரி நடித்து, அதை வைத்து அரசியல் செய்கின்றனரே!

வ.முருகன், விழுப்புரம்:

'உள்ளாட்சி, சட்டசபை தேர்தல்களில் அதிகளவில் பெண்களை போட்டியிட வைக்க வேண்டும், பிரசாரம் செய்யாமலேயே தேர்தல் களத்தில் நிற்க வேண்டும்' என, 'வீ த லீடர்ஸ்' அமைப்பின் நிறுவனர் அண்ணாமலை புதுமையான கருத்தை தெரிவித்துள்ளாரே?அதிகளவில் பெண்கள் போட்டியிட வேண்டும் என்பது சரி, ஆனால், பிரசாரம் செய்யாமலேயே நிற்க வேண்டும் என்பது, போகாத ஊருக்கு வழி!


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 7 )

Lakshminarasimhan
அக் 06, 2026 08:05

சீமான் பிற கட்சிகளை அழிப்பதை விட மத்திய பா ஜ க நிறைய கட்சிகளை அழித்துக்கொண்டிருக்கிறதே இதற்கு அந்து மணி பதில் ?மில்லியன் டாலர் ?


வல்லவரையன் வந்தியதேவன்
அக் 05, 2026 20:12

கேள்வி: மற்றொரு மொழியை கற்க தடை போடும் திராவிட கட்சிகள், தமிழர்களை குண்டு சட்டிக்குள் குதிரை ஓட்ட செய்து விட்டனரே? பதில்: உங்களுக்கு புரிகிறது ஜெயசிங்... அரசியல்வாதிகளுக்கு புரிந்தும், புரியாத மாதிரி நடித்து, அதை வைத்து அரசியல் செய்கின்றனரே மக்களை சங்கம் வைத்து தமிழை வளர்த்த தமிழ் மண்ணில் இன்று தமிழை குழி தோண்டி புதைக்க ஒரு கும்பல் முதல்வர் விஜய் தலைமையில் இருக்கிறது. மன்மத வணக்கம், கண்யான் பூங்குன்றனார், பின்பு அமைச்சர் ஜெகதீஸ்வரி பேசிய பேச்சுக்கள் தமிழக சட்டசபை வரலாற்றில் பொன் எழுத்துக்களில் பொறிக்கப்படவேண்டியவை. ஒரு பிரிண்ட் அவுட்டை கையில் வைத்துக்கொண்டு தமிழை தப்பும் தவறுமாக பேசும் எம்.எல்.ஏ.,க்கள், அமைச்சர்களை முதலில் தமிழை ஒழுங்காக படிக்க சொல்லுங்கள் .


SUBBU,MADURAI
அக் 05, 2026 14:43

சீமான் மற்ற கட்சிகளை ஒழிப்பது ஒரு பக்கம் இருக்கட்டும். அவர் தன்னுடைய நாதக கட்சியை ஒழிக்காமல் இருந்தால்... சீமான் இதுவரை அப்புராணி திரள்நிதி தம்பிகளின் காதுகளில் சுற்றிய பூக்களில் சிலவற்றை மட்டும் பார்ப்போம். பெருந்தலைவர் காமராஜர் மறைந்ததற்கு பேரறிஞர் அண்ணா குலுங்கிக் குலுங்கி கதறிக் கதறி அழுததாக கூறினார். அண்ணா இறந்தது 1969 ம் ஆண்டு, காமராஜர் இறந்தது 1975 அதாவது அண்ணா இறந்து ஆறு ஆண்டுகள் கழித்து காமராஜர் இறந்தார். அண்ணனின் அடுத்த உருட்டு, முதல்வர் காமராஜர் கட்டிய பள்ளியில்தான் அப்துல்கலாம் கல்வி பயின்றார் என நாடார்கள் கூடிய கூட்டத்தில் அள்ளி விட்டார். காமராஜர் முதலமைச்சராக பதவியேற்றது 1954 ம் ஆண்டு ஆனால் அப்துல்கலாம் அப்போது தன்னுடைய கல்லூரி படிப்பையே நிறைவு செய்து விட்டார். மேலும் அப்துல்கலாம் பள்ளிக் கல்வி பயின்றது கிறிஸ்தவ மிஷினரி பள்ளிகளில்தான் என்பது நம்ம சீமானுக்கு தெரியாமல் போய்விட்டது. அடுத்த உருட்டு தேனிக்கள் இனம் அழிந்து போனால் அதற்கடுத்த நான்காண்டுகளில் மனித இனமே அழிந்துவிடும் என ஐன்ஸ்டீன் கூறியதாக ஒரு புருடா விட்டார் ஆனால் அந்த விஞ்ஞானி அப்படிக் கூறியதாக எவ்வித சான்றும் இதுவரை கிடைக்கவில்லை என்பதுதான் வேதனை. அப்றம் அணுவை கண்டுபிடித்தவர் நோபல் என்ற அரிய கருத்தையும் கூறினார் ஆனால் ஜான் டால்டன் என்பவர்தான் 1808 ம் வருடம் முதன்முதலாக அணுவை உருவாக்கியவர் என்பது நம் அண்ணனுக்கு தெரியாது. சரி அது போகட்டும் அண்ணனின் அடுத்த உருட்டை பார்ப்போம்! குழந்தையை தூக்கிக் கொண்டு போருக்கு சென்றவர் வேலுநாச்சியார் என்று ஒரே போடாக போட்டார் ஆனால் அது வேலுநாச்சியார் அல்ல ஜான்சிராணி என்பதை அவரது அறிவார்ந்த தம்பிகளாவது அவருக்கு சொல்லி புரியவைக்க வேண்டும். அதே போல திருக்குறளில் கேடில் விழுச்செல்வம் கல்வி ஒருவற்கு மாடல்ல மற்றையவை என்ற குறளில் ஒரு மனிதனுக்கு அழியாத சிறந்த செல்வம் கல்வியே ஆகும், மற்றவை செல்வமாகாது என்று கூறுகிறது. அந்த குறளில் வரும் மாடு என்பது கால்நடைகளைதான் குறிக்கிறது என மாடும் நமது செல்வங்கள்தான் என சீமான் கூறியதை கேட்ட தமிழறிஞர்கள் அப்படியே அதிர்ச்சியில் உறைந்து விட்டனர். இடைத் தேர்தல் நெருங்க நெருங்க அண்ணன் சீமானின் இதுபோன்ற பொய்களை கேட்டு என்ஜாய் பண்ணலாமே தவிர அவருக்கு ஓட்டுப் போடுவது வேஸ்ட்.


சத்யநாராயணன்
அக் 05, 2026 13:50

மக்களோடு மக்களாக நின்று தொடர்ந்து களப்பணியாற்றிக் கொண்டிருந்தால் தேர்தல் நேரத்தில் மட்டும் பிரச்சாரம் செய்ய வேண்டும் என்ற அவசியம் ஏற்படாது தானே இதுவரை உள்ள அரசியல் கட்சிகள் எதுவும் தொய்வில்லாமல் தொடர்ச்சியாக பொதுநல பணிகளை செய்வதே இல்லை அதனால் அவர்களுக்கெல்லாம் தேர்தல் நேரத்தில் பிரச்சாரம் என்பது அத்தியாவசியமாகிவிட்டது எனவே அண்ணாமலை அவர்களின் இந்த முயற்சி வரவேற்கத்தக்கது முடிந்த அளவில் பொது நலப் பணிகளில் நம்மையும் ஈடுபடுத்திக் கொள்ளலாமே


Seekayyes
அக் 05, 2026 08:47

எனக்கு சீமான் தன் கட்சியை தானே அழிப்பதாகதானே எண்ணம்?


சந்திரன்
அக் 05, 2026 06:58

பிரச்சாரம் செய்தாலே ஜெயிக்க வாய்ப்பில்லை. இதில் பிரச்சாரம் செய்யாமலா? எந்த உலகத்தில் இருந்து இயக்கம் நடத்துகிறார் அண்ணாமலை?


என் ஏ நாக சுந்தரம்
அக் 05, 2026 06:39

ரத்தம் தானமாக கொடுத்தால் உடல்நலம் பாதிக்கும் என்ற அச்சத்தை போக்கும் வண்ணமாக அந்துமணி பதில் இருந்தது


அதிகம் விமர்ச்சிக்கப்பட்டவை