உள்ளூர் செய்திகள்

/ செய்திகள் / ப்ரீமியம் / இடைத்தேர்தல் வெற்றிக்கு வியூகம்; பாமக ஆதரவை கோரும் தவெக

இடைத்தேர்தல் வெற்றிக்கு வியூகம்; பாமக ஆதரவை கோரும் தவெக

சென்னை: மதுராந்தகம், தாராபுரம் சட்டசபை தொகுதி இடைத்தேர்தலில், த.வெ.க.,விற்கு ஆதரவு அளிக்கும்படி, பா.ம.க., தலைமையிடம் ரகசிய பேச்சு நடந்து வருகிறது. காலியாக உள்ள மதுராந்தகம், தாராபுரம் தொகுதிகளுக்கு, வரும் அக். 6ல் இடைத்தேர்தல் நடக்கிறது. மதுராந்தகத்தில் மரகதம் குமரவேலும், தாராபுரத்தில் சத்யபாமாவும் த.வெ.க., சார்பில் களமிறக்கப்பட்டு உள்ளனர். இவர்களுக்கு ஏற்கனவே கூட்டணியில் உள்ள, காங்., - வி.சி.க., - ம.தி.மு.க., - இந்திய யூனியன் முஸ்லீம் லீக் கட்சிகள் ஆதரவு தெரிவித்துள்ளன. தேர்தல் பிரசாரத்திலும் ஈடுபட, அக்கட்சி தலைவர்கள் முன்வந்துள்ளனர். https://static.vidgyor.com/player/vod/html/indexv2.html?videoId=gplmlz9n&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0மதுராந்தகம், தனி தொகுதி எனினும் வன்னியர் சமுதாய ஓட்டுக்கள் கணிசமாக உள்ளன. கடந்த சட்டசபை தேர்தலில், மதுராந்தகத்தில் பா.ம.க., ஓட்டுகள் கைகொடுத்ததால் தான், அ.தி.மு.க., வேட்பாளர் மரகதம் குமரவேல் எளிதில் வென்றார். எனவே, இடைத்தேர்தலில், பா.ம.க., ஆதரவை பெற த.வெ.க., தலைமை காய் நகர்த்தி வருகிறது. இரு அமைச்சர்கள், பா.ம.க., தலைமையுடன் பேசி வருகின்றனர். இதுகுறித்து, த.வெ.க., வட்டாரத்தில் கூறப்படுவதாவது: த.வெ.க., கூட்டணியில் இணைய, சவுமியா உள்ளிட்ட பா.ம.க., - எம்.எல்.ஏ.,க்களும், நிர்வாகிகளும் ஆர்வமாக உள்ளனர். ஆனால், அங்கு வி.சி.க., இருப்பதே, அவர்களுக்கு நெருடல். வெளிப்படையாக ஆதரவு அளிப்பதிலும் சிக்கல் ஏற்பட்டுள்ளது. எனவே, மாற்று ஏற்பாடாக, அ.தி.மு.க.,வை ஆதரிக்காமல், தேர்தல் புறக்கணிப்பு நிலைப்பாட்டை எடுக்குமாறு, பா.ம.க.,விடம் பேச்சு நடக்கிறது. மரகதம் குமரவேல் பதவி விலகியபோது கடுமையாக விமர்சித்த அன்புமணி, மீண்டும் போட்டியிட்டால் தோற்கடிப்போம் என சூளூரைத்தார். எனவே, பா.ம.க., இக்கட்டான நிலையில் உள்ளது. இவ்வாறு அக்கட்சி வட்டாரத்தில் கூறப்படுகிறது.

த.வெ.க.,வுக்கு இ.கம்யூ., துாது

இடைத்தேர்தலில் த.வெ.க.,வை ஆதரிக்குமாறு, இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சிகளிடம் பேசப்பட்டு வருகிறது. இவ்விரு கட்சிகளும் அமைச்சரவையில் இடம்பெறாமல், த.வெ.க., அரசை வெளியில் இருந்து ஆதரித்து வருகின்றன. இடைத்தேர்தல் நிலைப்பாட்டை, கம்யூனிஸ்ட் கட்சிகள் இதுவரை அறிவிக்கவில்லை. ஆனால், புதுச்சேரி மாநிலம், தட்டாஞ்சாவடி இடைத்தேர்தலில், இ.கம்யூ., போட்டியிட முடிவு செய்துள்ளது. எனவே, தங்கள் வேட்பாளரை ஆதரிக்குமாறு கேட்டு, அக்கட்சி புதுச்சேரி மாநில செயலர் சலீம் மற்றும் நிர்வாகிகள், த.வெ.க., பொதுச்செயலர் ஆனந்தை நேற்று பனையூரில் சந்தித்தனர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 6 )

Haja Kuthubdeen
செப் 11, 2026 11:21

பாமக அஇஅதிமுக கூட்டணியில்தான் தொடரும்.முக்கியமான கட்டத்தில் எடப்பாடி அன்புமணிக்கு ஆதரவாக இருந்தார்.


முருகன்
செப் 11, 2026 11:12

பனையூர் பக்கம் யார் வந்தாலும் கூட்டணியில் சேர்ந்து கொள்வார்


ராஜா
செப் 11, 2026 10:49

நீங்கள் நல்லாட்சி செய்திருந்தால் இதெல்லாம் எதற்கு? மக்களை உழைக்க வைக்காமல் செய்யும் உங்களுக்கு எத்தனை காலம் இலவசம் கை கொடுக்கிறது என்று பார்க்கலாம்.


Kadaparai Mani
செப் 11, 2026 10:27

Anbumani is smart person. Vck opposition only pmk strength. Plus he will go with bjp decision. Aiadmk pmk alliance will continue till parliamentary elections


சூர்யா
செப் 11, 2026 09:00

முயற்சிக்கலாம் தவறில்லை.முயற்சி செய்ய குறைந்த பட்சம் 1. திருமாவை கூட்டணியில் இருந்து வெளியேற்ற வேண்டும். 2. அன்பு மணி கடுமையாக விமர்சித்த மரகதம் குமார வேல் வேட்பாளராக இருக்கக் கூடாது. கூட்டணி முயற்சிக்கு இது இரண்டையும் செய்வாரா விஜய்?


Raajan
செப் 11, 2026 05:44

வந்த ஒரு நல்ல வாய்ப்பை நழுவ விடாமல் சுமாரான ஆட்சி கொடுத்தால் கூட மக்கள் இவர்களுக்கு ஆதரவாக இருப்பார்கள். இன்னும் ஒரு முறைக்கூட ஆட்சிக்கு வரலாம். ஜால்ரா கூட்டத்தை அடக்கி, நல்ல ஆலோசனை தருபவர்களை கூட அமர்த்தினாலே போதும். உஷார்


புதிய வீடியோ