கட்டண பாக்கி செலுத்தாத மின் இணைப்பு துண்டிப்பு

புதுச்சேரி : திருவாண்டார்கோவில், வாதானுார் அலுவலகத்திற்குட்பட்ட மின் நுகர்வோர்கள் மின் பாக்கியை உடனடியாக செலுத்தி மின் துண்டிப்பினை தவிர்க்குமாறு கேட்டுக் கொள்ளப்படுகிறது.இதுகுறித்து திருபுவுனை துணை மின் நிலையம் உதவி மின் பொறியாளர் அன்பழகன் வெளியிட்டுள்ள செய்திகுறிப்பு:திருபுவனை துணை மின் நிலையம் கீழ் இயங்கும் திருவாண்டார்கோவில், வாதானுார் மின் அலுவலகத்திற்குட்பட்டபகுதிகளில் மின் கட்டண பாக்கி வைத்துள்ள மின் நுகர்வோர்களின் மின் இணைப்புகள் துண்டிக்கப்பட்டு வருகிறது.எனவே, மின்துறை அலுவலகத்திற்குட்பட்ட மின் நுகர்வோர்கள் தாங்கள் வைத்துள்ள மின் கட்டண பாக்கியை உடனடியாக செலுத்தி மின் துண்டிப்பை தவிர்க்குமாறு கேட்டுக் கொள்ளப்படுகிறது. இவ்வாறு செய்திகுறிப்பில் கூறப்பட்டுள்ளது.