போக்குவரத்து துறையில் இளநிலை பொறியாளர் தேர்வு

புதுச்சேரி : போக்குவரத்து துறையில் இளநிலை பொறியாளர், துணை மோட்டார் வாகன ஆய்வாளர் பணியிடத்திற்கான தேர்வு வரும் 16ம் தேதி நடக்கிறது. பணியாளர் மற்றும் நிர்வாக சீர்திருத்தத்துறை அரசு சார்பு செயலர் ஜெய்சங்கர் செய்திக்குறிப்பு;புதுச்சேரி, போக்குவரத்துத் துறையில் இளநிலை பொறியாளர், துணை மோட்டார் வாகன ஆய்வாளர் பணியிடத்திற்கான தேர்வு வரும் 16ம் தேதி, பாரதிதாசன் அரசு மகளிர் கல்லுாரியில் நடக்கிறது. இத்தேர்வுக்கான அனுமதி சீட்டை தேர்வர்கள் https://recruitment.py.gov.inஎன்ற அதிகாரப்பூர்வ இணையதளத்தில் இருந்து நேற்று மாலை 5:00 மணி முதல் பதிவிறக்கம் செய்வற்கான வசதிகள் செய்யப்பட்டுள்ளன. மேலும், விவரங்கள் அல்லது உதவி தேவைப்பட்டால், அனைத்து வேலை நாட்களிலும் காலை 10:00 மணி முதல் மாலை 5:00 மணி வரை 0413 2233338 என்ற தொலைபேசி எண்ணில் தொடர்பு கொள்ளலாம். இவ்வாறு அதில் கூறப்பட்டுள்ளது.