மாணவிகளுக்கு பரிசளிப்பு விழா 

புதுச்சேரி: புதுச்சேரி தமிழ்ச் சங்கம் சார்பில், விடுதலை நாள் விழாவை முன்னிட்டு தமிழ் பாடத்தில் சிறப்பிடம் பெற்ற மாணவிகளுக்கு பரிசளிப்பு விழா நடந்தது.சங்க வளாகத்தில் நடந்த விழாவிற்கு தலைவர் கலைமாமணி முத்து தலைமை தாங்கினார். செயலாளர் சீனு மோகன்தாஸ் வரவேற்றார். துணைத் தலைவர்கள் தமிழ்மாமணி ஆதிகாசவன், திருநாவுகரசு, பொருளாளர் அருள்செல்வம், துணைச் செயலாளர் தினகரன் முன்னிலை வகித்தனர்.விழாவில், மதகடிப்பட்டு மணக்குள விநாயகர் பொறியியல் கல்லுாரி உதவி பேராசிரியர் சங்கீதா கண்ணன், அம்பேத்கர் இலக்கிய பேரவை தலைவர் அன்பு ஆகியோர் வாழ்த்தி பேசினர்.இதில், 10ம் வகுப்பு மற்றும் பிளஸ் 2 பொதுத் தேர்வில் தமிழ் பாடப் பிரிவில் அதிக மதிப்பெண் பெற்ற அரசு பள்ளி மாணவிகளுக்கு பரிசுகள் வழங்கப்பட்டன. ஆட்சிக்குழு உறுப்பினர் ராஜா நன்றி கூறினார். தமிழ்மாமணி உசேன், சுரேஷ்குமார், சிவேந்திரன், ஆனந்தராஜன் உட்பட பலர் பங்கேற்றனர்.