அகஸ்திய மகரிஷி குரு பூஜை விழா

புதுச்சேரி: அரியாங்குப்பம் காக்காயந்தோப்பில் லோபாமுத்ரா சமேத அகஸ்திய மகரிஷி, பகுளாதேவி சமேத காகபுஜண்ட மகரிஷி கோவில் ஆனந்தகுடில் அமைந்துள்ளது.இக்கோவிலில், அகஸ்திய மகரிஷியின் 20ம் ஆண்டு குரு பூஜை விழா நாளை (22ம் தேதி) நடக்கிறது. இதையொட்டி, அன்று காலை 7:00 மணிக்கு மகாகுரு ஹோமம், மகா கணபதி ஹோமம், நவக்கிரக ஹோமம் நடக்கிறது.காலை 10:00 மணிக்கு குரு பூஜை மற்றும் காலை 11:50 மணிக்கு மகா தீபாராதனை நடக்கிறது. குரு பூஜை விழாவிற்கு முதல்வர் ரங்கசாமி தலைமை தாங்குகிறார். எதிர்கட்சித் தலைவர் சிவா, பாஸ்கர் எம்.எல்.ஏ., உள்ளிட்ட பலர் கலந்து கொள்கின்றனர்.மாலை 6:30 மணிக்கு அகஸ்தியர் போற்றி மகா அர்ச்சனை நடக்கிறது. இரவு மாடவீதியில் லோபாமுத்ரா சமேத அகஸ்திய மகரிஷி சுவாமிகள் வீதியுலா நடக்கிறது. ஏற்பாடுகளை சிவசச்தானந்த மகரிஷி மற்றும் அகஸ்திய பக்தர்கள், பொதுமக்கள் செய்து வருகின்றனர்.