முதல்வர் விருது விண்ணப்பம் வரவேற்பு
புதுச்சேரி: முதல்வர் விருதுக்கு விண்ணப்பங்கள் வரவேற்கப்படுகிறது. நிர்வாக சீர்திருத்த பிரிவு சார்பு செயலர் அழகேசன் செய்திக்குறிப்பு: புதுச்சேரியில் பொது நிர்வாகத்தில் சிறந்து விளங்குபவர்களுக்கு 'முதல்வர் விருது' வழங்கப்பட்டு வருகிறது. புதுச்சேரி அரசின் பல்வேறு துறைகள், நிறுவனங்களில் மேற்கொ ள்ளப்பட்ட புதுமையான பணிகளை அங்கீகரித்து, பாராட்டி, வெகுமதி அளிக்கப்படவுள்ளது. துறை தலைவர்கள், பொதுத்துறை நிறுவன தலைவர்கள், தன்னாட்சி அமைப்பு தலைவர்கள் இந்த விருதுக்கான பரிந்துரை விண்ணப்பங்களை பூர்த்தி செய்து நிர்வாக செயலர் மூலம் வரும் ஜூன் 15ம் தேதிக்குள் வந்து சேர வேண்டும்.