ஜிப்மரில் சான்றிதழ் படிப்புகளில் சேர அழைப்பு

புதுச்சேரி; புதுச்சேரி ஜிப்மரில் சான்றிதழ் படிப்புகளில் சேர விண்ணப்பங்கள் வரவேற்கப்படுகிறது.இதுகுறித்து ஜிப்மர் நிர்வாகம் வெளியிட்டுள்ள செய்திக்குறிப்பு:ஜிப்மரில் அவசர மருத்துவ தொழில்நுட்ப வல்லுநர், சவக்கிடங்கு உதவியாளர், குடல்வாய் பாதுகாப்பு முறை, ரத்த சேகரிப்பு ஆகிய சான்றிதழ் படிப்புக்கு விண்ணப்பங்கள் வரவேற்கப்படுகிறது. படிப்பு காலத்தில் மாதம் ரூ.300ம், பயிற்சி காலத்தில் மாதம் ரூ.3 ஆயிரத்து 713 வழங்கப்படும். விண்ணப்பங்கள் வரும் 8ம் தேதி மாலை 4:30 மணிக்குள் சமர்பிக்க வேண்டும். சான்றிதழ் படிப்புக்கான நேர்காணல் வரும் 13ம் தேதி காலை நடைபெறும். இவ்வாறு அதில் குறிப்பிடப்பட்டுள்ளது.