நலத்திட்ட உதவிகள் வழங்கும் நிகழ்ச்சி
புதுச்சேரி: நெட்டப்பாக்கம் தொகுதியில் ஆதி திராவிடர் பயனாளிகளுக்கு திருமண உதவித் தொகையினை துணை சபாநாயகர் ராஜவேலு வழங்கினார். புதுச்சேரி ஆதி திராவிடர் நலத்துறை மற்றும் பழங்குடியினர் நலத்துறை சார்பில், நெட்டப்பாக்கம் தொகுதியைச் சேர்ந்த ஏழை பெண்களுக்கான திருமண உதவித்தொகை வழங்கும் நிகழ்ச்சி கரியாணிக்கம் எம்.எல்.ஏ., அலுவலகத்தில் நடந்தது. நிகழ்ச்சியில் தொகுதி எம்.எல்.ஏ., துணை சபாநாயகர் ராஜவேலு கலந்து கொண்டு, ஒரு பயனாளிக்கு ரூ. 1 லட்சம் வீதம் 19 பயனாளிகளுக்கு ரூ. 19 லட்சம் நலத்திட்ட உதவிகளை வழங்கினார். நிகழ்ச்சியில், நலத்துறை அதிகாரிகள் உள்ளிட்ட பலர் கலந்து கொண்டனர்.