தி.மு.க., இல்லையென்றால் காங்., இருக்காது சபாநாயகர் செல்வம் பேச்சு

புதுச்சேரி: புதுச்சேரி சட்டசபையில், பட்ஜெட் மீதான பொது விவாதத்தில் வைத்தியநாதன் எம்.எல்.ஏ., சட்டசபை அலுவல் குழுவில் காங்., எம்.எல்.ஏ.,வை சேர்க்காதது குறித்த எழுப்பிய வாதம் அவை குறிப்பில் இருந்து நீக்கப்பட்டது.அதைத் தொடர்ந்து, நேரு எம்.எல்.ஏ., பேசுகையில், 'ஓடம் ஒரு நாள் வண்டியில் ஏறும்; வண்டி ஒரு நாள் ஓடத்தில் ஏறும்.அசோக்பாபு: ஓடாத வண்டியில் ஏற வேண்டாம். தமிழ்நாட்டில் காங்., தனியாக நின்று பாருங்கள்.வைத்தியநாதன்: புதுச்சேரியில் பா.ஜ., தனியாக நிற்க முடியுமா. அப்போது, பா.ஜ., எம்.எல்.ஏ.,க்கள் எழுந்து பேசியதால் சபையில் கூச்சல் குழப்பம் நிலவியது.சபாநாயகர் செல்வம்: நீங்க எங்கிருந்து சென்றீர்கள். தமிழகம், புதுச்சேரியில் தி.மு.க., கட்சி இல்லையென்றால், காங்., கட்சியே இருக்காது.அசோக்பாபு: டில்லியில் காங்., 62 தொகுதிகளில் டிபாசிட் கூட வாங்கவில்லை. வைத்தியநாதன்: நீங்கள் எல்லாரையும் விலைக்கு வாங்குகிறீர்கள். மகாராஷ்டிரா உள்ளிட்ட மாநிலத்தில் பா.ஜ., செய்த வேலை எல்லாருக்கும் தெரியும்.சபாநாயகர் செல்வம் குறுக்கிட்டு வைத்தியநாதனை அமர வைத்து விவாதத்தை முடித்து வைத்தார்.