இரண்டாவது சுற்றில் இந்திய ஜோடி * மக்காவ் பாட்மின்டனில்...
மக்காவ்: மக்காவ் ஓபன் சர்வதேச பாட்மின்டன் தொடர், மக்காவ் நகரில் நேற்று துவங்கியது. ஆண்கள் இரட்டையர் முதல் சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி, மலேசியாவின் ஹாங் இ, இங் சியாங் ஜோடியை எதிர்கொண்டது. இதில் இந்திய ஜோடி 21-13, 21-15 என்ற நேர் செட்டில் வெற்றி பெற்று, காலிறுதிக்கு முந்தைய இரண்டாவது சுற்றுக்கு முன்னேறியது.மற்றொரு போட்டியில் இந்தியாவின் அம்சகருணன், ரெத்தினசபாபதி ஜோடி 21-15, 19-21, 14-21 என்ற செட் கணக்கில் ஜப்பானின் அய்ஜவா, சானோ ஜோடியிடம் போராடி தோல்வியடைந்தது.பெண்கள் இரட்டையர் முதல் சுற்றில் இந்தியாவின் காயத்ரி, திரீஷா ஜோடி 21-16, 22-22, 15-21 என தைவானின் ஜியாவோ மின், யு வெய் ஜோடியிடம் அதிர்ச்சி தோல்வியடைந்தது.மற்றொரு போட்டியில் இந்தியாவின் ஷ்ருதி, பிரியா ஜோடி 21-15, 16-21, 21-17 என தைவானின் ஜி ஹுவாங், வாங் ஜோடியை வென்றது.'டாப்-10' பட்டியலில்...பாட்மின்டன் தரவரிசை பட்டியல் நேற்று வெளியானது. ஆசிய விளையாட்டில் தங்கம் வென்ற இந்தியாவின் சாத்விக்சாய்ராஜ், சிராக் ஷெட்டி ஜோடி, 3 இடம் முன்னேறி, 3 மாதத்துக்குப் பின் 'டாப்-10' பட்டியலில் மீண்டும் நுழைந்தது. தற்போது 10 வது இடத்தில் உள்ளது.ஆண்கள் ஒற்றையரில் லக்சயா சென் 17வது இடத்துக்கு முன்னேறினார். மற்றொரு வீரர் பிரனாய், 33வது இடம் பிடித்தார்.பெண்கள் ஒற்றையரில் சிந்து 15வது, 17 வயது உன்னதி 31 வது இடங்களில் உள்ளனர்.