பாட்மின்டன்: அரையிறுதியில் மாளவிகா

டெக்சாஸ்: யு.எஸ்., ஓபன் பாட்மின்டன் அரையிறுதிக்கு முன்னேறினார் மாளவிகா.அமெரிக்காவின் டெக்சாசில் யு.எஸ்., ஓபன் பாட்மின்டன் தொடர் நடக்கிறது. பெண்கள் ஒற்றையர் காலிறுதியில் இந்தியாவின் மாளவிகா, இத்தொடரின் 'நம்பர்-3' அந்தஸ்து பெற்ற, ஸ்காட்லாந்தின் கில்மர் கிறிஸ்டியை சந்தித்தார். முதல் செட்டை மாளவிகா 10-21 என இழந்தார். பின் சுதாரித்துக் கொண்ட இவர் அடுத்த செட்டை 21-15 என வசப்படுத்தினார். தொடர்ந்து மூன்றாவது, கடைசி செட்டிலும் அசத்திய மாளவிகா 21-10 என கைப்பற்றினார். முடிவில் மாளவிகா 10-21, 21-15, 21-10 என்ற செட்டில் வெற்றி பெற்று அரையிறுதிக்கு முன்னேறினார்.ஆண்கள் ஒற்றையர் காலிறுதியில் இந்தியாவின் பிரியான்ஷு, 21-15, 11-21, 18-21 என, சீனாவின் லெய் லான் ஜியிடம் தோல்வியடைந்தார். பெண்கள் இரட்டையர் பிரிவு காலிறுதியில் இத்தொடரின் 'நம்பர்-2', இந்தியாவின் திரீசா, காயத்ரி ஜோடி, 17-21, 21-17, 19-21 என்ற செட்டில் 'நம்பர்-6' ஜோடி ஜப்பானின் ஹிரோகாமி, யுனா கட்டோ ஜோடியிடம் போராடி தோல்வியடைந்தது.