இந்தோனேஷிய பாட்மின்டன்: சிந்து தோல்வி

ஜகார்த்தா: இந்தோனேஷிய பாட்மின்டன் முதல் சுற்றில் இந்தியாவின் சிந்து தோல்வியடைந்தார்.இந்தோனேஷியாவில், 'மாஸ்டர்ஸ் 1000' அந்தஸ்து பெற்ற சர்வதேச பாட்மின்டன் தொடர் நடக்கிறது. பெண்கள் ஒற்றையர் பிரிவு முதல் சுற்றில் இந்தியாவின் சிந்து, சீனதைபேயின் வென் சி ஹ்சு மோதினர். முதல் செட்டை 15-21 என இழந்த சிந்து, பின் எழுச்சி கண்டு இரண்டாவது செட்டை 21-15 எனக் கைப்பற்றினார். வெற்றியாளரை நிர்ணயிக்கும் மூன்றாவது செட்டில் ஏமாற்றிய இவர் 14-21 எனக் கோட்டைவிட்டார். முடிவில் சிந்து 15-21, 21-15, 14-21 என்ற கணக்கில் தோல்வியடைந்து வெளியேறினார்.மற்றொரு போட்டியில் இந்தியாவின் ஆகர்ஷி காஷ்யப் 18-21, 6-21 என தாய்லாந்தின் ரட்சனோக்கிடம் தோல்வியடைந்தார்.பெண்கள் இரட்டையர் முதல் சுற்றில் இந்தியாவின் தனிஷா கிராஸ்டோ, அஷ்வினி பொன்னப்பா ஜோடி 21-15, 21-15 என கனடாவின் ஜாக்கி டென்ட், கிரிஸ்டல் லாய் ஜோடியை வீழ்த்தியது.மற்றொரு போட்டியில் ருதபர்னா, ஸ்வேதபர்னா ஜோடி 12-21, 9-21 என தென் கொரியாவின் கிம் சோ யோங், காங் ஹீ யோங் ஜோடியிடம் தோல்வியடைந்தது.