சாத்விக்-சிராக் ஜோடி அபாரம்: சீன மாஸ்டர்ஸ் பாட்மின்டனில்
ஷென்சென்: சீன மாஸ்டர்ஸ் பாட்மின்டன் அரையிறுதிக்கு இந்தியாவின் சாத்விக்சாய்ராஜ், சிராக் ஷெட்டி ஜோடி முன்னேறியது.சீனாவில், 'சூப்பர் 750' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. இதன் ஆண்கள் இரட்டையர் பிரிவு காலிறுதியில் இந்தியாவின் சாத்விக்சாய்ராஜ், சிராக் ஷெட்டி ஜோடி, டென்மார்க்கின் கிம் அஸ்ட்ரப், ஆன்டர்ஸ் ஸ்காரப் ராஸ்முசென் ஜோடியை சந்தித்தது. மொத்தம் 47 நிமிடம் நீடித்த போட்டியில் அபாரமாக ஆடிய சாத்விக்சாய்ராஜ், சிராக் ஷெட்டி ஜோடி 21-16, 21-19 என்ற நேர் செட் கணக்கில் வெற்றி பெற்று அரையிறுதிக்குள் நுழைந்தது.ஆண்கள் ஒற்றையர் பிரிவு காலிறுதியில் இந்தியாவின் லக்சயா சென், டென்மார்க்கின் ஆன்டர்ஸ் ஆன்டன்சென் மோதினர். மொத்தம் 53 நிமிடம் நீடித்த போட்டியில் ஏமாற்றிய லக்சயா சென் 18-21, 15-21 என்ற நேர் செட் கணக்கில் தோல்வியடைந்து வெளியேறினார்.