அபிஷேக், வருண் நம்பர்-2: ஐ.சி.சி., டி-20 தரவரிசையில்

துபாய்: ஐ.சி.சி., 'டி-20' தரவரிசையில் இந்தியாவின் அபிஷேக் (பேட்டிங்), வருண் (பவுலிங்) 'நம்பர்-2' இடத்தில் நீடிக்கின்றனர்.சர்வதேச 'டி-20' போட்டியில் சிறப்பாக செயல்படும் வீரர்களுக்கான தரவரிசை பட்டியலை, சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. பேட்டர் பட்டியலில் இந்தியாவின் அபிஷேக் சர்மா, 829 புள்ளிகளுடன் 2வது இடத்தை தக்கவைத்துக் கொண்டார். ஆஸ்திரேலியாவின் டிராவிஸ் ஹெட் (856 புள்ளி) முதலிடத்தில் நீடிக்கிறார்.மற்ற இந்திய வீரர்களான திலக் வர்மா (804), சூர்யகுமார் யாதவ் (739) முறையே 4, 5வது இடத்தில் தொடர்கின்றனர்.பவுலர் தரவரிசையில் இந்தியாவின் வருண் சக்ரவர்த்தி, 706 புள்ளிகளுடன் 2வது இடத்தில் நீடிக்கிறார். வெஸ்ட் இண்டீசின் அகேல் ஹோசின் (707) 'நம்பர்-1' இடத்தில் உள்ளார். மற்ற இந்திய பவுலர்களான ரவி பிஷ்னோய் (674 புள்ளி, 6வது இடம்), அர்ஷ்தீப் சிங் (653 புள்ளி, 9வது இடம்) 'டாப்-10' பட்டியலில் உள்ளனர். இந்தியாவின் அக்சர் படேல் (636) 13வது இடத்தில் தொடர்கிறார்.'ஆல்-ரவுண்டர்' தரவரிசையில் இந்தியாவின் ஹர்திக் பாண்ட்யா (252 புள்ளி), 'நம்பர்-1' இடத்தை தக்கவைத்துக் கொண்டார். மற்றொரு இந்திய வீரர் அக்சர் படேல் (161) 12வது இடத்தில் உள்ளார்.