கால்பந்து: பிரேசில் கலக்கல் * கொலம்பியாவை வீழ்த்தியது

பிரேசிலியா: உலக கோப்பை கால்பந்து தகுதிச்சுற்றில் பிரேசில் அணி 2-1 என கொலம்பியாவை வீழ்த்தியது.'பிபா' உலக கோப்பை கால்பந்து தொடர் அமெரிக்கா, கனடா, மெக்சிகோவில், 2026, ஜூன் 11-ஜூலை 19ல் நடக்க உள்ளது. இதற்கான தென் அமெரிக்க அணிகளுக்கான தகுதிச்சுற்று தற்போது நடக்கிறது. பிரேசிலில் நடந்த போட்டியில் பிரேசில், கொலம்பியா மோதின. போட்டியின் 6 வது நிமிடத்தில் பிரேசில் அணிக்கு 'பெனால்டி' கிடைத்தது. இதில் ராபினா கோல் அடித்தார்.41வது நிமிடத்தில் கொலம்பிய வீரர் லுாயிஸ் பெர்ணான்ஸ் ஒரு கோல் அடிக்க, ஸ்கோர் 1-1 என ஆனது. இரண்டாவது பாதியில் போட்டியின் கடைசி ஸ்டாப்பேஜ் நேரத்தில் (90+9வது நிமிடம்), பிரேசில் வீரர் வினிசியஸ் ஜூனியர் ஒரு கோல் அடித்தார். பிரேசில் அணி 2-1 என்ற கோல் கணக்கில் 'திரில்' வெற்றி பெற்றது. மற்ற போட்டிகளில் பராகுவே 1-0 என சிலியை வென்றது. பெரு 3-1 என பொலிவியாவை சாய்த்தது. 13 போட்டியில் 6 வெற்றி, 3 'டிரா' (4 தோல்வி) செய்த பிரேசில், 21 புள்ளியுடன் பட்டியலில் 2வது இடத்துக்கு முன்னேறியது. அர்ஜென்டினா (12ல் 8 வெற்றி, 1 'டிரா', 3 தோல்வி) 25 புள்ளியுடன் முதலிடத்தில் உள்ளது.