மேலும் செய்திகள்
ஹாரி கேன் சாதனை: ரொனால்டோவை முந்தினார்
27-Sep-2025
தெற்காசிய கால்பந்து: பைனலில் இந்தியா
25-Sep-2025
புட்சல்: இந்தியா முதல் வெற்றி
25-Sep-2025
மெஸ்ஸி மேஜிக்: மயாமி வெற்றி
21-Sep-2025
பாரிஸ்: பிரெஞ்ச் கோப்பையை வென்றது பி.எஸ்.ஜி., அணி. விறுவிறுப்பான பைனலில் லியான் அணியை வீழ்த்தியது.பிரான்சில் கிளப் அணிகள் மோதும் பிரெஞ்ச் கோப்பை கால்பந்து தொடரின் பைனல் நடந்தது. இதில் பாரிஸ் செயின்ட்-ஜெர்மைன் (பி.எஸ்.ஜி.,), லியான் அணிகள் மோதின.ஆட்டத்தின் 22வது நிமிடத்தில் நுனோ மென்டஸ் கொடுத்த பந்தை பெற்ற பி.எஸ்.ஜி., அணியின் டெம்பலே, தலையால் முட்டி முதல் கோல் அடித்தார். 34வது நிமிடத்தில் பேபியன் ரியுஸ் ஒரு கோல் அடிக்க, பி.எஸ்.ஜி., அணி 2-0 என வலுவான முன்னிலை பெற்றது. பின் 55வது நிமிடத்தில் லியான் அணிக்கு ஜேக் ஓ பிரையன் ஒரு கோல் அடித்து ஆறுதல் தந்தார். இறுதியில் பி.எஸ்.ஜி., அணி 2-1 என வெற்றி பெற்று, பிரெஞ்ச் கோப்பையை தட்டிச் சென்றது.
பி.எஸ்.ஜி., அணிக்காக தனது கடைசி போட்டியில் பங்கேற்ற பிரான்ஸ் கேப்டன் எம்பாப்வேயின் கோல் அடிக்கும் முயற்சிகள் இரு முறை (20, 41வது நிமிடம்) வீணாகின. இருப்பினும் கோப்பை வென்ற மகிழ்ச்சியுடன் விடைபெற்றார். சிறந்த முன்கள வீரரான இவர், பி.எஸ்.ஜி., அணிக்காக அதிக கோல் அடித்தவர் பட்டியலில் முதலிடத்தில் (308 போட்டி, 256 கோல்) உள்ளார். 7 சீசனில் விளையாடி, 15 கோப்பை வென்று கொடுத்துள்ளார். அடுத்து, ரியல் மாட்ரிட் கிளப் அணிக்கு மாற திட்டமிட்டுள்ளார்.
பிரான்சின் லில்லி நகர நெடுஞ்சாலையில் லியான், பி.எஸ்.ஜி., அணிகளை சேர்ந்த 300க்கும் மேற்பட்ட ரசிகர்கள் மோதிக் கொண்டனர். இரண்டு பஸ் உள்ளிட்ட வாகனங்களுக்கு தீ வைத்தனர். 8 போலீசார், 30 ரசிகர்கள் காயமடைந்தனர். பிரான்ஸ் அதிபர் இம்மானுவேல் மேக்ரான் கூறுகையில்,''விளையாட்டு போட்டியை மகிழ்ச்சியுடன் ரசிக்க வேண்டும். இதில் வன்முறைக்கு இடமில்லை. ரசிகர்களின் வன்முறைக்கு கண்டனம் தெரிவிக்கிறேன்,'' என்றார்.
27-Sep-2025
25-Sep-2025
25-Sep-2025
21-Sep-2025