பெங்களூருவை வீழ்த்தியது பாட்னா: புரோ கபடி லீக் போட்டியில்
புதுடில்லி: புரோ கபடி லீக் போட்டி 'டை பிரேக்கரில்' அசத்திய பாட்னா அணி 6-5 என, பெங்களூருவை வீழ்த்தியது.இந்தியாவில், புரோ கபடி லீக் 12வது சீசன் நடக்கிறது. தமிழ் தலைவாஸ், 'நடப்பு சாம்பியன்' ஹரியானா உள்ளிட்ட 12 அணிகள் பங்கேற்கின்றன. டில்லியில் நடந்த லீக் போட்டியில் பெங்களூரு, பாட்னா அணிகள் மோதின. முதல் பாதி முடிவில் பாட்னா அணி 16-13 என முன்னிலையில் இருந்தது.இரண்டாவது பாதியில் எழுச்சி கண்ட பெங்களூரு அணிக்கு 19 புள்ளி கிடைத்தது. ஆட்டநேர முடிவில் போட்டி 32-32 என, சமநிலையில் இருந்தது. பின் 'டை பிரேக்கரில்' அசத்திய பாட்னா அணி 6-5 என்ற கணக்கில் வெற்றி பெற்றது. பாட்னா அணிக்கு கேப்டன் அயன் (14 புள்ளி) கைகொடுத்தார். பெங்களூரு சார்பில் அலிரேசா 17 புள்ளி பெற்றார்.இதுவரை விளையாடிய 14 போட்டியில், 4 வெற்றி, 10 தோல்வி என, 8 புள்ளிகளுடன் பாட்னா அணி 12வது இடத்தில் உள்ளது. பெங்களூரு அணி (16 புள்ளி, 8 வெற்றி, 7 தோல்வி) 4வது இடத்தில் நீடிக்கிறது.