பிராகு செஸ்: பிரக்ஞானந்தா டிரா

பிராகு: இந்தியாவின் பிரக்ஞானந்தா, சீனாவின் யி வெய் மோதிய பிராகு செஸ் தொடரின் 7வது சுற்றுப் போட்டி 'டிரா' ஆனது.செக்குடியரசில், பிராகு மாஸ்டர்ஸ் செஸ் தொடர் நடக்கிறது. இந்தியாவின் பிரக்ஞானந்தா, அரவிந்த் சிதம்பரம், நெதர்லாந்தின் அனிஷ் கிரி உள்ளிட்ட 10 பேர் பங்கேற்கின்றனர்.இதன் 7வது சுற்றில் தமிழகத்தின் பிரக்ஞானந்தா, சீனாவின் யி வெய் மோதினர். இதில் பிரக்ஞானந்தா வெள்ளை நிற காய்களுடன் விளையாடினார். விறுவிறுப்பான இப்போட்டி 61வது நகர்த்தலில் 'டிரா' ஆனது.மற்றொரு போட்டியில் இந்தியாவின் அரவிந்த் சிதம்பரம், நெதர்லாந்தின் அனிஷ் கிரி மோதினர். கறுப்பு நிற காய்களுடன் சாமர்த்தியமாக விளையாடிய அரவிந்த், 39வது நகர்த்தலில் வெற்றி பெற்றார்.மற்ற 7வது சுற்றுப் போட்டிகளில் அமெரிக்காவின் சாமுவேல் ஷாங்க்லேண்ட், துருக்கியின் எடிஸ் குரேல் வெற்றி பெற்றனர்.ஏழு சுற்றுகளின் முடிவில் தமிழகத்தின் அரவிந்த், 5.0 புள்ளிகளுடன் முதலிடத்தில் நீடிக்கிறார். மற்றொரு இந்திய வீரர் பிரக்ஞானந்தா, 4.5 புள்ளிகளுடன் 2வது இடத்தில் உள்ளார். ஷாங்க்லேண்ட் (அமெரிக்கா), யி வெய் (சீனா), கீமர் (ஜெர்மனி), குரேல் (துருக்கி) தலா 3.5 புள்ளிகளுடன் 3வது இடத்தை பகிர்ந்து கொண்டுள்ளனர்.