பெங்களூருவை வீழ்த்தியது புனே: புரோ கபடி லீக் போட்டியில்

சென்னை: புரோ கபடி லீக் போட்டியில் அசத்திய புனே அணி, பெங்களூருவை 'டை பிரேக்கரில்' வீழ்த்தியது.இந்தியாவில், புரோ கபடி லீக் 12வது சீசன் நடக்கிறது. 'நடப்பு சாம்பியன்' ஹரியானா, தமிழ் தலைவாஸ் உள்ளிட்ட 12 அணிகள் பங்கேற்கின்றன. நேற்று, சென்னையில் நடந்த லீக் போட்டியில் புனே, பெங்களூரு அணிகள் மோதின. முதல் பாதி முடிவில் புனே அணி 17-13 என முன்னிலையில் இருந்தது.இரண்டாவது பாதியில் எழுச்சி கண்ட பெங்களூரு அணி, புனே வீரர்களை 'ஆல்-அவுட்' செய்தது. விறுவிறுப்பான இப்போட்டி ஆட்டநேர முடிவில் 29-29 என சமநிலையில் இருந்தது. அடுத்து நடந்த 'டை பிரேக்கரில்' அசத்திய புனே அணி 6-4 என வெற்றி பெற்றது.புனே அணிக்கு ஆதித்யா ஷிண்டே (7 புள்ளி), கேப்டன் பங்கஜ் மோகித் (4), குர்தீப் (4), கவுரவ் காட்ரி (4) கைகொடுத்தனர். பெங்களூரு சார்பில் ஆஷிஸ் மாலிக், அலிரேசா தலா 6 புள்ளி பெற்றனர்.புனே அணி 11 போட்டியில், 8 வெற்றி, 3 தோல்வி என, 16 புள்ளிகளுடன் முதலிடத்துக்கு முன்னேறியது. ஆறாவது தோல்வியை பெற்ற பெங்களூரு அணி (10 புள்ளி), 7வது இடத்தில் நீடிக்கிறது. மற்றொரு போட்டியில் மும்பை அணி 40-25 என குஜராத் அணியை வீழ்த்தியது.