ஜெய்ப்பூரை வீழ்த்தியது புனே: அல்டிமேட் டேபிள் டென்னிசில்
சென்னை: அல்டிமேட் டேபிள் டென்னிஸ் லீக் போட்டியில் புனே அணி 9-6 என ஜெய்ப்பூரை வீழ்த்தியது.சென்னையில், அல்டிமேட் டேபிள் டென்னிஸ் 5வது சீசன் நடக்கிறது. நேற்று நடந்த லீக் போட்டியில் புனே, ஜெய்ப்பூர் அணிகள் மோதின. ஆண்கள் ஒற்றையர் முதல் போட்டியில் புனேயின் அங்கூர் பட்டாசார்ஜீ 2-1 (10-11, 11-10, 11-7) என ஜெய்ப்பூரின் ரோனித் பஞ்சாவை வீழ்த்தினார். பெண்கள் ஒற்றையர் முதல் போட்டியில் புனேயின் அய்ஹிகா முகர்ஜி 1-2 (11-8, 10-11, 7-11) என ஜெய்ப்பூரின் சுதாசினியிடம் தோல்வியடைந்தார். கலப்பு இரட்டையர் பிரிவு போட்டியில் புனேயின் அனிர்பன் கோஷ், நடாலியா பஜோர் ஜோடி 2-1 (11-10, 7-11, 11-9) என ஜெய்ப்பூரின் சோ செயுங்மின், நித்யஸ்ரீ மணி ஜோடியை வென்றது.ஆண்கள் ஒற்றையர் 2வது போட்டியில் ஜோவா மான்டீரோ 2-1 (8-11, 11-10, 11-7) என சோ செயுங்மினை தோற்கடித்தார். பெண்கள் ஒற்றையர் 2வது போட்டியில் நடாலியா பஜோர் 2-1 (11-8, 7-11, 11-6) என நித்யஸ்ரீயை வென்றார். முடிவில் புனே அணி 9-6 என்ற கணக்கில் வெற்றி பெற்றது. புனே அணி 4 போட்டியில் 2 வெற்றி, 2 தோல்வியை பதிவு செய்தது.