இரண்டாவது சுற்றில் சத்யன், தியா * சர்வதேச டேபிள் டென்னிசில்...
லண்டன்: இங்கிலாந்தின் லண்டனில் டபிள்யு.டி.டி., ஸ்டார் கன்டெண்டர் தொடர் நடக்கிறது. ஆண்கள் ஒற்றையர் முதல் சுற்றில் இந்தியாவின் சத்யன், பெல்ஜியத்தின் அட்ரியனை சந்தித்தார். முதல் செட்டை 11-4 என வென்ற சத்யன், அடுத்த செட்டை 11-6 என வசப்படுத்தினார். தொடர்ந்து மூன்றாவது செட்டையும் 11-8 என கைப்பற்றினார். முடிவில் சத்யன் 3-0 என (11-4, 11-6, 11-8) நேர் செட்டில் வெற்றி பெற்றார்.மற்றொரு போட்டியில் இந்தியாவின் ஹர்மீத் தேசாய், 3-1 என (5-11, 12-10, 11-8, 14-12) சக வீரர் மனுஷ் ஷாவை வென்றார். பெண்கள் ஒற்றையர் முதல் சுற்றில் இந்தியாவின் தியா, யாஷஸ்வினி மோதினர். இதில் தியா 3-2 (11-9, 5-11, 8-11, 11-3, 12-10) என்ற செட் கணக்கில் போராடி வெற்றி பெற்றார். இந்தியாவின் மானவ் தக்கார், மணிகா பத்ரா நேரடியாக இரண்டாவது சுற்றில் பங்கேற்க உள்ளனர். கலப்பு இரட்டையர் முதல் சுற்றில் இந்தியாவின் தியா, மனுஷ் ஜோடி, 2-3 என யூகியா (ஜப்பான்), யூபின் (தென் கொரியா) ஜோடியிடம் தோல்வியடைந்தது. ஹர்மீத் தேசாய், யாஷஸ்வினி ஜோடி 2-3 என சுவீடனின் கிறிஸ்டினா, கால்பெர்க் ஜோடியிடம் தோற்றது.