உள்ளூர் செய்திகள்

/ விளையாட்டு / பிற விளையாட்டு / உலக கூடைப்பந்து: இந்தியா ஏமாற்றம்

உலக கூடைப்பந்து: இந்தியா ஏமாற்றம்

சென்னை: உலக கோப்பை கூடைப்பந்து தகுதிச் சுற்றில் ஏமாற்றிய இந்தியா 57-81 என, சவுதி அரேபியாவிடம் மீண்டும் தோல்வியடைந்தது.கத்தாரில், வரும் 2027ல் (ஆக. 27 - செப். 12) உலக கோப்பை கூடைப்பந்து 20வது சீசன் நடக்க உள்ளது. இதற்கான, ஆசிய அணிகள் பங்கேற்கும் தகுதிச் சுற்று நடக்கிறது. மொத்தம் 16 அணிகள், 4 பிரிவுகளாக முதல் சுற்றில் விளையாடுகின்றன. இந்திய அணி 'டி' பிரிவில் சவுதி அரேபியா, லெபனான், கத்தார் அணிகளுடன் இடம் பெற்றுள்ளது. ஒவ்வொரு அணியும், மற்ற அணிகளுடன் தலா 2 முறை மோதும். முடிவில், புள்ளிப்பட்டியலில் 'டாப்-2' இடம் பிடிக்கும் அணிகள், 2வது சுற்றுக்கு முன்னேறும்.சமீபத்தில் (நவ. 27) ரியாத்தில் நடந்த முதல் போட்டியில் இந்திய அணி 51-75 என, சவுதி அரேபியாவிடம் தோற்றது. சென்னையில் நடந்த போட்டியில் இந்தியா, சவுதி அரேபியா அணிகள் மீண்டும் மோதின. சொந்த மண்ணில் பதிலடி கொடுக்கும் என்று எதிர்பார்க்கப்பட்ட நிலையில், இந்திய அணி 57-81 (9-19, 12-24, 15-26, 21-12) என்ற கணக்கில் மீண்டும் தோல்வியடைந்தது. இந்திய அணிக்கு கன்வர் சாந்து (19 புள்ளி), அரவிந்த் முத்து கிருஷ்ணன் (9) கைகொடுத்தனர்.அடுத்து இந்திய அணி, கத்தார் (2026, பிப். 27), லெபனான் (மார்ச் 2) அணிகளை சந்திக்கிறது.


தினமலர் சேனல்களுக்கு SUBSCRIBE செய்யுங்கள் !

முக்கிய வீடியோ