கோகோ காப் அதிர்ச்சி தோல்வி: யு.எஸ்., ஓபன் டென்னிசில் ஏமாற்றம்

நியூயார்க்: யு.எஸ்., ஓபன் டென்னிஸ் 4வது சுற்றில் கோகோ காப் தோல்வியடைந்தார். நியூயார்க் நகரில் யு.எஸ்., ஓபன் கிராண்ட்ஸ்லாம் டென்னிஸ் நடக்கிறது. இதன் பெண்கள் ஒற்றையர் 4வது சுற்றில் அமெரிக்காவின் கோகோ காப், எம்மா நவரோ மோதினர். இதில் ஏமாற்றிய கோகோ காப் 3-6, 6-4, 3-6 என்ற கணக்கில் தோல்வியடைந்து 'நடப்பு சாம்பியன்' அந்தஸ்தை தக்கவைக்க தவறினார்.மற்றொரு போட்டியில் பெலாரசின் அரினா சபலென்கா 6-2, 6-4 என பெல்ஜியத்தின் எலிஸ் மெர்டென்சை வீழ்த்தினார். ஸ்பெயினின் படோசா 6-1, 6-2 என சீனாவின் யபான் வாங்கை வீழ்த்தினார். மற்றொரு 4வது சுற்றில், பாரிஸ் ஒலிம்பிக் தங்கம் வென்ற சீனாவின் கின்வென் ஜெங், வெள்ளி கைப்பற்றிய குரோஷியாவின் டோனா வெகிக் மோதினர். இரண்டு மணி நேரம், 50 நிமிடம் நீடித்த போட்டியில் சீன வீராங்கனை 7-6, 4-6, 6-2 என வெற்றி பெற்றார். இது, யு.எஸ்., ஓபன் வரலாற்றில் அதிகாலை (2.15 மணி) வரை நீடித்த பெண்கள் போட்டியானது.காலிறுதியில் ஸ்வெரேவ்: ஆண்கள் ஒற்றையர் 4வது சுற்றில் ஜெர்மனியின் அலெக்சாண்டர் ஸ்வெரேவ், அமெரிக்காவின் பிரண்டன் நகாஷிமா மோதினர். இதில் ஸ்வெரேவ் 3-6, 6-1, 6-2, 6-2 என வெற்றி பெற்று காலிறுதிக்கு முன்னேறினார். மற்ற 4வது சுற்றுப் போட்டிகளில் பல்கேரியாவின் டிமிட்ரோவ், அமெரிக்காவின் டெய்லர் பிரிட்ஸ், பிரான்சிஸ், தியாபோ வெற்றி பெற்றனர்.

போபண்ணா, பாம்ப்ரி ஏமாற்றம்

இரட்டையர் பிரிவு 3வது சுற்றில் இந்தியாவின் ரோகன் போபண்ணா, ஆஸ்திரேலியாவின் மாத்யூ எப்டென் ஜோடி 1-6, 5-7 என அர்ஜென்டினாவின் மால்டெனி, கான்சலஸ் ஜோடியிடம் வீழ்ந்தது. மற்றொரு போட்டியில் இந்தியாவின் யூகி பாம்ப்ரி, பிரான்சின் அல்பனோ ஜோடி 2-6, 2-6 என ஸ்பெயினின் கிரானோலர்ஸ், ஜெபல்லோஸ் ஜோடியிடம் தோற்றது.