அடையாறில் மெட்ரோ பணி போக்குவரத்து மாற்றம்

சென்னை, அடையாறு டெலிபோன் எக்சேஞ்ச் அருகே, மெட்ரோ ரயில் பணி மேற்கொள்ளப்பட உள்ளதால், இன்று ஒரு நாள் மட்டும், சோதனை அடிப்படையில் போக்குவரத்து மாற்றப்பட உள்ளது.காவல் துறை வெளியிட்டுள்ள செய்திக்குறிப்பு:டாக்டர் முத்துலட்சுமி சாலையில் இருந்து, திருவான்மியூர் நோக்கி வரும் வாகனங்கள் அடையாறு தொலைபேசி நிலையம் அருகே தடை செய்யப்படும். பின், காமராஜ் அவென்யூ, 2வது குறுக்குத் தெரு - சாஸ்திரி நகர், 1வது பிரதான சாலை - மகாத்மா காந்தி சாலை - லட்டிஸ் பாலம் சாலை வழியாக செல்லலாம். இந்த பாதை ஒருவழி பாதையாக செயல்படும்.திருவான்மியூர் சிக்னலில் இருந்து வரும் வாகனங்கள், மகாத்மா காந்தி சாலையில் வலதுபுறம் திரும்புவதற்கு தடை விதிக்கப்பட்டுள்ளது.திருவான்மியூரில் இருந்து அடையாறு மேம்பாலம் நோக்கி வரும் வாகனங்களுக்கு தடை இல்லை; வழக்கம் போல் செல்லலாம்.இவ்வாறு அதில் குறிப்பிடப்பட்டுள்ளது.