மாடியிலிருந்து விழுந்த முதியவர் அட்மிட்

டி.பி.சத்திரம், மாடியில் இருந்து நிலை தடுமாறி கீழே விழுந்த முதியவருக்கு, கை மற்றும் காலில் எலும்பு முறிவு ஏற்பட்டது. அண்ணா நகர் கிழக்கு, குஜ்ஜி தெருவைச் சேர்ந்தவர் ராமச்சந்திரன், 66. இவரது மனைவி மீனா, 58. இவர்களுக்கு ஒரு மகன் மற்றும் மகள் உள்ளனர். வயது முதிர்வு காரணமாக, ராமச்சந்திரன் உடல் நிலை சரியில்லாமல் வீட்டில் இருந்துள்ளார். நடக்க முடியாத இவர், நேற்று மதியம் 12:00 மணியளவில், வீட்டின் இரண்டாவது மாடிக்கு சென்றுள்ளார். அப்போது, எதிர்பாராத விதமாக நிலை தடுமாறி, மாடியில் இருந்து கீழே விழுந்து உள்ளார்.இதில், அவரது இடது கால் மற்றும் கையில் எலும்பு முறிவு ஏற்பட்டது. அங்கிருந்தோர் ராமச்சந்திரனை மீட்டு, கீழ்ப்பாக்கம் அரசு மருத்துவமனையில் அனுமதித்தனர். அங்கு அவர் தீவிர சிகிச்சை பெற்று வருகிறார். சம்பவம் குறித்து டி.பி.சத்திரம் போலீசார் விசாரிக்கின்றனர்.