அண்ணாநகரில் நாளை போக்குவரத்து மாற்றம்

சென்னை, அண்ணாநகரில் 'ஹேப்பி ஸ்ட்ரீட்' நிகழ்ச்சி புளூஸ்டார் சந்திப்பு முதல், 2வது நிழற்சாலை - 3வது பிரதான சாலை சந்திப்பு வரையில் நடைபெற உள்ளதால், நாளை காலை 6:00 முதல் 9:00 மணி வரை போக்குவரத்து மாற்றம் செய்யப்படுகிறது.காவல் துறை செய்தி குறிப்பு:திருமங்கலத்திலிருந்து அண்ணாநகர் ரவுண்டானா, சிந்தாமணி நோக்கி செல்லும் வாகனங்கள், புளூஸ்டார் சந்திப்பில், 5வது நிழற்சாலையில் இடது புறம் திரும்பி, 6வது நிழற்சாலை வழியாக சிந்தாமணி செல்லலாம்.திருமங்கலத்திலிருந்து அமைந்தகரை, ஈ.வெ.ரா., சாலை நோக்கி செல்லும் வாகனங்கள், புளூஸ்டார் சந்திப்பில், 5வது நிழற்சாலை வலதுபுறம் திரும்பி, 4வது நிழற்சாலை வழியாக பூந்தமல்லி நெடுஞ்சாலை செல்லலாம்.அண்ணாநகர் ரவுண்டானாவிலிருந்து திருமங்கலம் நோக்கி செல்லும் வாகனங்கள், 2வது நிழற்சாலை நல்லி சில்க்ஸ் அருகே, 3வது பிரதான சாலையில் இடதுபுறம் திரும்பி, 4வது நிழற்சாலை வழியாக திருமங்கலம், முகப்பேர் செல்லலாம்.புளூஸ்டார் சந்திப்பில், 5வது நிழற்சாலையிலிருந்து, 2வது நிழற்சாலைக்கு இடதுபுறம் திரும்புவதை தவிர்த்து, 5வது நிழற்சாலையில் நேராக சென்று, 4வது நிழற்சாலை வழியாக செல்லலாம்.இவ்வாறு அதில் கூறப்பட்டுள்ளது.