சென்ட்ரல் - கும்மிடிப்பூண்டியில் இன்று 23 மின்சார ரயில்கள் ரத்து

சென்னைபொன்னேரி - கவரைப்பேட்டை இடையே இன்று காலை 9:00 மணி முதல் மாலை 3:00 மணி வரை, ரயில் பாதை மேம்பாட்டு பணிகள் நடக்க உள்ளன. இதனால், இந்த தடத்தில் செல்லும், 23 மின்சார ரயில்கள் ரத்து செய்யப்பட்டுள்ளன. இருப்பினும், 10 சிறப்பு ரயில்கள் இயக்க ஏற்பாடு செய்யப்பட்டு உள்ளது..

ரயில்கள் ரத்து

 சென்ட்ரல் - சூலுார்பேட்டை இன்று காலை 8:35, காலை 10:15, நண்பகல் 12:10, மதியம் 1:05, சென்ட்ரல் - ஆவடி இரவு 11:40 மணி ரயில்கள் ரத்து செய்யப்படுகின்றன  சென்ட்ரல் - கும்மிடிப்பூண்டி இன்று காலை 9:00, 9:30, 10:30, 11:35, நண்பகல் 12:40, கடற்கரை - கும்மிடிப்பூண்டி காலை 9:40 மணி ரயில்கள் ரத்து செய்யப்படுகின்றன கும்மிடிப்பூண்டி - சென்ட்ரல் காலை 10;55, 11:25, பகல் 12:00, மதியம் 1:00, 2:30, மாலை 3:15; சூலுார்பேட்டை - சென்ட்ரல் காலை 11:45, மதியம் 1:15, மாலை 3:10, இரவு 9:00 மணி ரயில்கள் ரத்து செய்யப்படுகின்றன. சூலுார்பேட்டை - நெல்லுார் மாலை 3:50, நெல்லுார் - சூலுார்பேட்டை மாலை 6:45 மணி ரயில்கள் ரத்து செய்யப்படுகின்றன. மொத்தம், 23 மின்சார ரயில் சேவைகள் ரத்து செய்யப்பட்டு உள்ளன.

சிறப்பு ரயில்கள்

 சென்ட்ரல் - பொன்னேரிக்கு காலை 9:00, காலை 10:30, எண்ணுாருக்கு காலை 9:30, மீஞ்சூருக்கு காலை 11:35 மணிக்கும் சிறப்பு ரயில்கள் இயக்கப்பட உள்ளன கடற்கரை - பொன்னேரிக்கு நண்பகல் 12:40, பொன்னேரி - சென்ட்ரலுக்கு 11:42, மதியம் 1:18, மாலை 3:33 மணிக்கும், எண்ணுார் - சென்ட்ரலுக்கு பகல் 12:43 மணிக்கும், மீஞ்சூர் - சென்ட்ரலுக்கு மதியம் 2:59 மணிக்கும் சிறப்பு ரயில்கள் இயக்கப்பட உள்ளதாக, சென்னை ரயில் கோட்டம் தெரிவித்துள்ளது.