உள்ளூர் செய்திகள்

/ உள்ளூர் செய்திகள் / சென்னை /  அரசு காப்பகத்திலிருந்து 4 சிறுமியர் தப்பி ஓட்டம்

 அரசு காப்பகத்திலிருந்து 4 சிறுமியர் தப்பி ஓட்டம்

காஞ்சிபுரம்: காஞ்சிபுரத்தில் உள்ள அரசு குழந்தைகள் காப்பகத்தில் இருந்து தப்பியோடிய நான்கு சிறுமியரை, போலீசார் தேடி வருகின்றனர். காஞ்சிபுரம், தாத்திமேடு பகுதியில் காஞ்சிபுரம் மாவட்ட அரசு குழந்தைகள் காப்பகம் உள்ளது. இங்கு, ஆதரவற்ற குழந்தைகள், திருமணம் மற்றும் பாலியல் வன்கொடுமையில் இருந்து மீட்கப்படும் குழந்தைகளும் பாதுகாக்கப்பட்டு வருகின்றனர். அவ்வாறு, குழந்தை திருமணத்திலிருந்து மீட்கப்பட்ட நான்கு சிறுமியர், குன்றத்துார், ஸ்ரீபெரும்புதுார் பகுதியில் இருந்து 10 நாட்களுக்கு முன் காஞ்சிபுரத்திற்கு மாற்றப்பட்டனர். இந்நிலையில், 14 வயது, தலா 15 வயது மற்றும் 17 வயதுடைய நான்கு சிறுமியர், நேற்று அதிகாலை 2:30 மணிக்கு காப்பகத்தில் இருந்து வெளியேறி தப்பியோடியுள்ளனர்.காப் பக கண்காணிப்பாளர் மற்றும் ஊழியர்களுக்கு, நேற்று காலை இந்த விபரம் தெரியவந்தது. போலீசார் தேடுதல் நடத்தியதில் ஒரு சிறுமி, ஸ்ரீபெரும்புதுார் அருகே அவரது வீட்டிலிருந்து மீட்கப்பட்டார்; மற்றவர்களை போலீசார் தேடி வருகின்றனர்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்





முக்கிய வீடியோ