டிஜிட்டல் முறையில் பார்க்கிங் கட்டணம்

சென்னை, சென்னை மாநகராட்சியில் மெரினா கடற்கரை சர்வீஸ் சாலை, அண்ணா நகர், நுங்கம்பாக்கம் உள்ளிட்ட 10 இடங்களில், வாகன நிறுத்தம் உள்ளது. தனியார் வாயிலாக கட்டணம் வசூலிக்கப்பட்டு வந்தது.அந்நிறுவன ஒப்பந்தம் முடிவடைந்த நிலையில், தமிழ்நாடு முன்னாள் படைவீரர் கழக நிறுவனம் சார்பில், வாகன நிறுத்த கட்டணம் வசூலிக்கப்பட்டு வருகிறது.அதன்படி, ஒரு மணி நேரத்திற்கு, இருசக்கர வாகனங்களுக்கு - 5; நான்கு சக்கர வாகனங்களுக்கு - 20; பேருந்து, வேன்களுக்கு - 60 ரூபாய் கட்டணம் வசூலிக்கப்படுகிறது. இதற்கான ரசீதில் வாகனத்தின் பதிவு எண், பதிவு செய்வது கட்டாயமாக்கப்பட்டு உள்ளது. மேலும், க்யூ.ஆர்., குறியீடு வாயிலாக, ரசீதின் உண்மைத்தன்மையை கண்டறிய வழிவகை செய்யப்படும்.பொதுமக்கள், டிஜிட்டல் வழியாக மட்டுமே கட்டணம் செலுத்த வேண்டும். வாகன நிறுத்தம் தொடர்பாக, '1913' என்ற எண்ணில் புகார் தெரிவிக்கலாம் என, சென்னை மாநகராட்சி தெரிவித்துள்ளது.