மெரினா நீச்சல் குளம் ஆன்லைனில் முன்பதிவு

சென்னை, சென்னை, மெரினா கடற்கரையில் உள்ள மாநகராட்சி நீச்சல் குளம், 1.37 கோடி ரூபாயில் சீரமைக்கப்பட்டது.சமீபத்தில், பொதுமக்கள் பயன்பாட்டுக்கு கொண்டு வரப்பட்டது. நீச்சல் குளம், காலை 5:30 முதல் இரவு 7:30 மணி வரை செயல்படும். இதில், காலை 8:30 முதல் 9:30 மணி வரை பெண்களுக்கு ஒதுக்கப்பட்டு உள்ளது. நீச்சல் குளத்தில் குளிப்பதற்கு ஒரு மணி நேரத்திற்கு, 14 வயதுக்கு மேற்பட்டோருக்கு 50 ரூபாய்; 12 முதல் 14 வயதுக்கு உட்பட்டோருக்கு 30 ரூபாய் கட்டணம் நிர்ணயிக்கப்பட்டு உள்ளது. நீச்சல் குளத்திற்கு வருவோர், முன்கூட்டியே ஆன்லைனில் பதிவு செய்யும்படி மாநகராட்சி வேண்டுகோள் விடுத்துள்ளது.இது குறித்து, மாநகராட்சி அதிகாரிகள் கூறியதாவது:நீச்சல் குளத்தில் பார்வையாளர்களுக்கு அனுமதியில்லை. பொதுமக்கள், https://chennaicorporation.gov.in/gcc/ இணையதளத்தில் முன்பதிவு செய்வது, அவர்கள் வரிசையில் காத்திருப்பதை தவிர்க்கவும்.மேலும், ஆன்லைனில் பதிவு செய்வதன் வாயிலாக, 50 ரூபாய்க்கு பதிலாக, 45 ரூபாய்; 30 ரூபாய்க்கு பதிலாக, 25 ரூபாய் என, ஐந்து ரூபாய் சலுகை கட்டணமும் கிடைக்கும்.எனவே, மெரினா நீச்சல் குளத்திற்கு வருவோர், ஆன்லைனில் பதிவு செய்ய முன்வர வேண்டும். மெரினா நீச்சல் குளம், பராமரிப்பு பணிக்காக, திங்கள்தோறும் விடுமுறை விடப்படுகிறது.இவ்வாறு அவர்கள் கூறினர்.