தேசிய சிலம்பம் சென்னை சிறுவர்கள் சாதனை
சென்னை:தேசிய அளவிலான சிலம்பம் போட்டியில், சென்னை சிறுவர் - சிறுமியர், 12 தங்கப் பதக்கங்களை வென்று சாதனை படைத்தனர். டில்லியில், கடந்த வாரம் நடந்த தேசிய அளவிலான சிலம்பம் போட்டியில், தமிழகம் உட்பட நாடு முழுதும் இருந்து, 600க்கும் மேற்பட்ட சிறுவர் - சிறுமியர் பங்கேற்றனர். இதில், கிண்டி, ராயல் சிங் சிலம்பம் பயிற்சி கூடத்தில் இருந்து, 20க்கும் மேற்பட்ட சிறுவர்கள் பங்கேற்றனர். அவர்களில், பல்வேறு வயது பிரிவில் திறமையை வெளிப்படுத்தி, 12 தங்கப்பதக்கம், மூன்று வெள்ளி பதக்கங்களை, சிறுவர் - சிறுமியர் வென்று, சென்னை திரும்பியுள்ளனர்.