மாநில பேட்மின்டன் போட்டி துவக்கம்

சென்னை,இரு பாலருக்கான மாநில பேட்மின்டன் போட்டி, சென்னையில் இன்று துவங்குகிறது.'டீம் 16 ஸ்போர்ட்ஸ் கிளப்' சார்பில் 'தி அல்டிமேட் பேட்மின்டன் ஷோ டவுன்' எனும் மாநிலப் பேட்மின்டன் போட்டி, நீலாங்கரையில் உள்ள அன்லீச் பேட்மின்டன் மைதானத்தில் இன்று நடக்கிறது. இதில், மாநிலத்தின் சிறந்த பேட்மின்டன் வீரர் - வீராங்கனையர் தனி நபர் மற்றும் குழுவாக மோதுகின்றனர்.இதன் தனிநபர் பிரிவில், வயது அடிப்படையில் யு -- 11, 13, 15, 17 மற்றும் இரட்டையர் பிரிவில் யு --15, 17 என இரண்டு பிரிவாக, போட்டிகள் நடக்கின்றன.இதுவரை 150க்கும் மேற்பட்ட வீரர் - வீராங்கனையர் பங்கேற்க முன்பதிவு செய்துள்ளதாக, அந்த கிளப் தெரிவித்துள்ளது. இதில் வெற்றி பெறும் வீரர் - வீராங்கனையருக்குப் பதக்கம், காசோலை மற்றும் கோப்பை வழங்கப்படும்.